| e-texts navigator |
| Wylie |
296a1 དབང་བསྐུར་བྱེད་པ་ལ།། གནས་ཚལ་བཞུགས་ཚུལ་རྟོགས་ཚུལ་དང་།། བསྐུར་ཚུལ་འཆར་ཚུལ་གྲོལ་ཚུལ་གྱིས།། སྤྱན་གྱི་དབང་བསྐུར་ཐོབ་པ་ཡིན།། དྲུག་གསུམ་བཅོ་བརྒྱད་དག་གིས་མིག་ཕྱེ
296a2 ནས།། ཆོས་དང་ཤེས་རབ་སྤྱན་གྱི་དབང་།། རང་དབང་རང་གིས་ཐོབ་པས་རྒྱལ་པོ་ཡིན། ཡེ་ཤེས་གསལ་འགྲིབ་མེད་པ་དེ། ཟབ་དང་འགགས་མེད་འགག་པ་མེད།། ཡེ་ཤེས་དབང་གི་བསྐུར་ཐབས་ཡིན།། ཤེས
296a3 རབ་ཐོགས་པ་མེད་པ་དེ།། མྱུར་དང་དྲག་དང་སྐད་ཅིག་ལ།། བཟུང་སྟེ་དབབ་དང་ཕྱིར་ལྡོག་པ།། ཤེས་རབ་དབང་གི་བསྐུར་ཐབས་ཡིན།། ཆོས་ཉིད་རང་གྲོལ་མྱུར་བ་དེ།། མྱུར་དང་གསལ་དེ་སྐད་ཅིག་ལ།། ཆོས་ཀྱི
296a4 དབང་གི་བསྐུར་ཐབས་ཡིན།། ཡེ་ཤེས་སྤྱན་གྱི་གནས་ཚུལ་དམིགས།། བཞུགས་ཚུལ་ཟང་ཐལ།། རབ་དང་འབྲིང་དང་ཐ་མ་གསུམ།། སྣང་བ་རྒྱ་ཡན་རིག་པ་རང་གྲོལ་དང་།། ཆོས་ཉིད་འོད་གསལ་ཆེན་པོ
296a5 གསུམ།། དབྱེ་དུས་ཕྱེད་དུས་བྱེད་པའི་ཚད།། མ་ཕྱེད་སྐྱོན་ཡོན་འབྲས་བུ་རྣམས།། གདེང་ལྡན་བླ་མ་སློབ་མ་ཡིན།། འདི་འདྲ་རྒྱ་མཚོའི་ཕ་བོང་བཞིན།། བསྐལ་པ་འཁྲུགས་ཀྱང་ཁར་འབྱུང་མིན།། རུས་སྦལ་གྲེ་བར
296a6 ནོར་བུ་ཆུད་པ་བཞིན་དུ་སྡོམས།། ཞེས་གསུངས་སོ།། ལྷ་རྒྱུད་རིན་པོ་ཆེ་སྤུངས་པ་ལས།། དམར་ཁྲིད་དམར་བྱང་དང་། དོན་སྐོར་སངས་རྒྱས་ངོ་སྤྲོད་ཀྱི་ལེའུ་སྟེ་ཉེར་གཉིས་པའོ།། །། དེ་ནས་ཡང་བཀའ་སྩལ
iiif viewer powered by OpenSeadragon
