| e-texts navigator |
| Wylie |
295a1 འདྲ།། ཞེས་གསུངས་སོ།། ལྷ་རྒུད་རིན་པོ་ཆེ་སྤངས་པ་ལས། ཐེག་པ་དང་འགྲོ་དྲུག་བསྡུ་བའི་ལེའུ་སྟེ་ཉི་ཤུ་པའོ།། །། དེ་ནས་ཡང་བཀའ་སྩལ་པ།། གསང་བའི་བདག་པོ་ཁྱོད་ཉོན་ཅིག། སྣང
295a2 བ་ལྔ་ལ་ངོ་སྤྲད་པ།། མེ་ལོང་ནང་གི་བྱད་ལྟར་ཤར།། སྣང་བས་གནོད་པ་མི་ནུས་པས།། སྣང་བ་དབང་དུ་འདུས་པ་ཡིན།། རྒྱུད་དྲུག་དག་ལ་ངོ་སྤྲད་པས།། རིག་པ་འོད་གསལ་ལྷག་མཐོང་ཤར།། ཞི་གནས་དགོངས
295a3 པ་རང་སར་གྲོལ།། འགྲོ་དྲུག་དབང་དུ་འདུས་པ་ནི།། དུག་སྦྲུལ་འགྲོ་བའི་མདུད་པ་འདྲ།། ཡེ་ཤེས་འོད་གསལ་ངོ་སྤྲད་པས།། ཐིག་ལེ་ཡེ་ཤེས་རང་ལ་ཤར།། འགྲོ་དྲུག་གཡང་ས་དབང་དུ་འདུས།། རི་རབ་རྩེ་མོར
295a4 ཕྱིན་པ་འདྲ།། ལྔ་གསུམ་བཅོ་ལྔས་མིག་འབྱེད་པ།། དབང་པོའི་རིམ་པས་ཤེས་པར་བྱ།། ཕྱི་འགྲུ་འགྲོ་དྲུག་རང་སྣང་ཡིན།། ནང་འགྱུ་ལྷ་ཡི་རྣལ་འབྱོར་ཡིན། གསང་འགྱུ་ཐིག་ལེ་སྣང་ཐོག་ཤར།། དངོས་གཞི་གཉིས
295a5 པོ་མ་ཤེས་ན།། ལོང་བས་ལོང་བ་ཁྲིད་པ་འདྲ།། འཁྲུལ་གཞི་འཁྲུལ་པ་དངོས་པོ་གསུམ།། དེ་ཡི་ས་མཚམས་མ་ཤེས་ན།། རྒྱལ་བུ་རྐང་ནས་འཁྱམས་པ་འདྲ།། འཁོར་བ་འཁྲུལ་པ་ལྡོག་པ་གསུམ།། དེ་ཡི་གདམས་པ
295a6 མ་ཤེས་ན།། དམུས་ལོང་བྱང་ཐང་ལུས་པ་འདྲ།། གཞི་དང་ཚིག་དང་དཔེ་ཐོག་ཤོར།། དེ་གསུམ་ངོ་ཡིས་མ་ཟིན་ན།། ཇོ་བོས་མ་འཆུན་ཁོལ་པོ་འདྲ།། སྣང་རྒྱ་རིག་རྒྱ་གདམས་པའི་རྒྱ།། རྒྱ་གསུམ་རང་ཤར་མ་ཤེས
iiif viewer powered by OpenSeadragon
