| e-texts navigator |
| Wylie |
294a1 གསུམ་དབང་བསྐུར་ཞེས་ཀྱང་བྱ།། མགྲིན་པ་འོད་སྲུངས་དབང་བསྐུར་ཐོབ།། མིག་ལ་མར་མེ་མཛད་ཀྱི་དབང་།། མ་བསྐུར་མུན་པ་འཐིབས་པ་ཡིན།། བསྐུར་བས་མུན་པ་ཡུལ་ན་མེད།། མར་མེ
294a2 མཛད་ཀྱི་དབང་བསྐུར་རྫོགས།། བསྐལ་པ་སྟོང་གི་མུན་པ་ལ།། མར་མེ་མཐེབ་མོ་ཙམ་གྱིས་སེལ།། མ་རིག་མུན་པ་འཐིབས་པ་ལ།། མར་མེ་མཛད་ཀྱི་དབང་བསྐུར་བས།། མ་རིག་མུན་པ་སྐད་ཅིག་སངས།། དེ་ལྟར
294a3 བསྐུར་བའི་དབང་མཆོག་ནི།། བསྒྲུབས་པས་འགྲུབ་པར་མི་འགྱུར་ལ།། དཔྱད་པས་གཏན་ལ་མི་ཕེབས་སོ།། བརྗོད་པས་བློ་ཐོག་མི་ཕེབས་སོ།། ཐོས་མང་ཚིག་ཚོགས་མང་པོས་ཀྱང་།། དེ་ནི་གཏན་ལ་མི་ཕེབས
294a4 སོ།། མ་བསྟན་ཤེས་པར་མི་འགྱུར་རོ།། བསྟན་ན་མི་འཆར་མི་སྲིད་དོ།། དེ་བས་འདོད་པ་འབྱུང་མི་འགྱུར།། དབང་གི་རྒྱལ་པོ་སྐུ་གསུམ་དག། རྟགས་ཀྱི་རྒྱལ་པོ་བསྟན་དུ་ཡོད།། དཔེ་ཡི་རྒྱལ་པོ་མཚོན་དུ
294a5 ཡོད།། ཐིག་ལེའི་རྒྱལ་པོ་སྤྲད་དུ་ཡོད།། ངོ་སྤྲོད་རྒྱལ་པོ་ཐིག་ལེ་རང་སྣང་ཡིན།། ཉམས་ཀྱི་རྒྱལ་པོ་ཡེ་ཤེས་རང་སྣང་ཡིན།། གཞི་ཡི་རྒྱལ་པོ་ལྷུན་གྲུབ་ཡོངས་རྫོགས་ཡིན།། འབྲས་བུའི་རྒྱལ་པོ་ཆོས་ལ་གྲོལ་བ
294a6 ཡིན།། ཐུགས་རྗེའི་རྒྱལ་པོ་སྐུ་གསུམ་རང་འཁྲུངས་ཡིན།། ཞེས་གསུངས་སོ།། ལྷ་རྒྱུད་རིན་པོ་ཆེ་སྤུངས་པ་ལས།། སྐུ་གསུམ་དབང་བསྐུར་གྱི་ལེའུ་སྟེ་བཅུ་དགུ་པའོ།། །། དེ་ནས་ཡང་བཀའ་སྩལ་པ།། གསང
iiif viewer powered by OpenSeadragon
