| e-texts navigator |
| Wylie |
293b1 གནས་པས།། ཟང་ཐལ་རྟོགས་པའི་ངོ་སྤྲོད་བྱ།། སྙིང་ལ་ཤེས་རབ་རྩེ་གནས་པས།། ཡེ་ཤེས་ངོ་སྤྱོད་ཤིན་ཏུ་གཅེས།། གློ་སྒང་གཉིས་ལ་རྩ་གཉིས་གནས།། གཟུང་འཛིན་གཉིས་སྣང་བློ་ཡི་རྩ།། མིད་པར་དབུས་ཀྱི་རྩ
293b2 གནས་པ།། སེམས་ཀྱི་རྟ་ཕོ་བྱེད་པའི་རྩ།། སྙིང་མཚམས་ཐུགས་ཀར་འབྲེལ་པའི་རྩ།། དབུགས་ཆེན་དབུགས་མེད་སོ་མཚམས་ཡིན།། སྙིང་ལ་རྩ་ཆེན་བརྒྱད་གནས་པ།། ཐིག་ལེ་ཡེ་ཤེས་བརྒྱད་ཀྱི་རྩ།། མགྲིན་པ་རྩ
293b3 ལྔ་འོད་གསལ་བ།། བར་དོ་འོད་དུ་འཆར་བའི་རྩ།། ཐིག་ལེ་བཙན་ཐབས་རྟགས་སུ་བཤད།། མཛོད་སྤུ་ཐིག་ལེ་ཟང་ཐལ་རྩ།། འདས་པ་ལྔ་ཡི་རྩ་ཡིན་ནོ།། ཞེས་གསུངས་སོ།། ལྷ་རྒྱུད་རིན་པོ་ཆེ་སྤུངས་པ་ལས། སྤྱན
293b4 དང་རྩའི་ལེའུ་སྟེ་བཅོ་བརྒྱད་པའོ།། །། དེ་ནས་ཡང་བཀའ་སྩལ་པ།། གསང་བའི་བདག་པོ་ཁྱོད་ཉོན་ཅིག། སྐུ་གསུམ་དབང་བསྐུར་བསྟན་པ་ནི།། སྙིང་ག་འོད་དཔག་མེད་པའི་དབང་།། དཔག་མེད་ཡེ་ཤེས
293b5 ཡོན་ཏན་དབང་།། ཡེ་ནས་ཡོད་པའི་དབང་ཡིན་ནོ།། མ་བསྐུར་སྤྱད་པར་མི་ནུས་ཏེ།། བསྐུར་བས་ཐོབ་པའི་དབང་ཡིན་ནོ།། ཆོས་གསུམ་འདུས་པ་འོད་དཔག་མེད།། ཀུན་ཏུ་བཟང་པོའི་དགོངས་པ་ཡིན།། དེ་ལ་གློ
293b6 མཚམས་འོད་སྲུངས་ནི།། རྡོ་རྗེ་སེམས་དཔའ་ཁོང་ཤར་ཡིན།། གློ་བའི་མཐིལ་དུ་མར་མེ་མཛད།། དགའ་རབ་རྡོ་རྗེ་རིག་པ་རང་གྲོལ་ཡིན།། སྟོན་པ་སྐུ་གསུམ་རང་ལ་གནས།། ཡེ་ནས་གཞི་ལ་གྲུབ་པས་ན།། སྐུ
iiif viewer powered by OpenSeadragon
