| e-texts navigator |
| Wylie |
293a1 ཡང་བཀའ་སྩལ་པ།། གསང་བའི་བདག་པོ་ཁྱོད་ཉོན་ཅིག། སྤྱན་གྱི་དབང་བསྐུར་བསྟན་པ་ནི།། ཐོག་མ་གཏེར་གྱི་འབྱུང་གནས་ན།། ལྷུན་གྱིས་གྲུབ་པའི་སྤྱན་གནས་ཏེ།། གསལ་བ་གཞན་དབང་མ
293a2 གྱུར་རང་གསལ་སྤྱན།། དེ་ནི་ཐབས་ཀྱི་སྤྱན་ཡིན་ནོ།། འགག་མེད་གཞན་དབང་མ་གྱུར་པ།། དེ་ནི་ཤེས་རབ་སྤྱན་ཡིན་ནོ།། ཟང་ཐལ་གཞན་དབང་མ་གྱུར་པ།། དེ་ནི་ཡེ་ཤེས་སྤྱན་གྱི་གཞི།། དེ་གསུམ་དབྱེར་མེད
293a3 དབང་ཡིན་པས།། ལྷུན་གྲུབ་ཡོངས་སུ་རྫོགས་པའི་སྤྱན།། དེ་ནི་གཞི་ཡི་སྤྱན་གྱི་དབང་།། དེ་ནས་ལམ་གྱི་དབང་བསྟན་པ།། དཔེ་དོན་རྟགས་ཀྱི་དབང་བསྟན་ནོ།། དཔེར་ན་རིན་ཆེན་མན་ཤེལ་ཏེ།། སྤྱན་གསུམ
293a4 དབང་གི་དཔེ་ཡིན་ནོ།། རྟགས་ནི་མིག་ལ་ཤར་བའོ།། སྤྱི་ཡི་རྟགས་དང་དོན་དུ་འབྲེལ།། ནང་གི་དབང་རྟགས་སྙིང་ཡིན་ནོ།། དོན་གྱི་རྟགས་དང་སྦྱར་བ་གཅེས།། ཕྱི་ཡི་དབང་རྟགས་མིག་ཡིན་ནོ།། ངོ་སྤྲོད་བྱས་ཏེ
293a5 རྟགས་སུ་བསྟན།། མིག་གཡས་ཆོས་ཀྱི་སྤྱན་གྱི་རྟགས།། གཡོན་པ་ཤེས་རབ་སྤྱན་གྱི་རྟགས།། མཛོད་སྒྲ་ཡེ་ཤེས་སྤྱན་གྱི་རྟགས།། དོན་གྱི་སྤྱན་གསུམ་འགྱུ་བའི་མིག། འགྱུ་བའི་སྤྱན་ལ་ངོ་སྤྲད་ན།། སྤྱན་གྱི་དངོས
293a6 གྲུབ་ཐོབ་པར་འགྱུར།། རྣ་བ་གཡས་པ་ཆོས་ཀྱི་སྤྱན།། གཡོན་པ་ཤེས་རབ་ཆེན་པོའི་སྤྱན།། མིག་ནི་ཡེ་ཤེས་སྤྱན་ཡིན་ནོ།། རྣ་བ་ཆོས་ཉིད་རྩ་གནས་པ།། སྒྲོ་འདོགས་གཅོད་པའི་ངོ་སྤྲོད་བྱ།། མིག་ལ་ཡེ་ཤེས་རྩ
iiif viewer powered by OpenSeadragon
