| e-texts navigator |
| Wylie |
292b1 དྲུག་འབར་བ་ནི།། འགྲོ་དྲུག་གཡང་ས་གཅོད་པའི་རྟགས།། སྙིང་ལ་ཐེལ་དྲུག་བྱུང་བ་ནི།། ཐིག་ལེ་ཆོས་མིན་ཡོད་པའི་རྟགས།། སྙིང་མཚམས་ཆོས་ཉིད་རྩས་མཚོན་པ།། ཐིག་ལེ་འགྱུར་མེད་ཡོད་པའི་རྟགས།། ཙིཏྟ
292b2 ཟུར་བརྒྱད་འབར་བ་ནི།། ཐིག་ལེའི་ཡོན་ཏན་མ་འགགས་རྟགས།། སྙིང་ནི་ཟུར་གསུམ་དབྱིབས་སུ་ཤར།། སྐུ་གསུམ་རང་ལ་གྲུབ་པའི་རྟགས།། སྙིང་ལ་སྟོད་སྨད་དབུས་དང་གསུམ།། སྤྱན་གསུམ་རང་ལ་ཡོད་པའི
292b3 རྟགས།། ཐིག་ལེ་ཡེ་གནས་རང་ལ་གྲུབ།། དེ་ལྟར་ཤེས་ན་དབང་གི་རྒྱལ་པོ་ཡིན།། དེ་ལྟར་ཤེས་ན་དབང་བསྐུར་བླ་མ་ཡིན།། བཙལ་མི་དགོས་པ་མཆོག་གི་དབང་།། ཐིག་ལེ་ཡེ་ནས་ཡོད་པ་དབང་གི་རྒྱལ་པོ
292b4 ཡིན།། རིག་པ་རང་གནས་དབང་གི་རྫས་སུ་བཤད།། རིག་པ་རང་གནས་དབང་གི་བསྐུར་ཐབས་ཡིན།། ཐིག་ལེ་རང་ཤར་དབང་གི་འབྲས་བུ་ཡིན།། ཙིཏྟ་བུམ་པའི་དབང་ཞེས་བརྗོད།། མིག་ལ་སྤྱན་གྱི་ངོ་སྤྲོད
292b5 པས།། དེ་ནི་ཐབས་ཀྱི་དབང་ཞེས་བརྗོད།། ཡིད་ལ་ཤེས་རབ་ངོ་སྤྲད་པས།། དེ་ནི་ཤེས་རབ་དབང་ཞེས་བརྗོད།། འགྱུ་བ་ཡེ་ཤེས་ངོ་སྤྲད་པས།། གསང་བའི་དབང་ཞེས་དེ་ལ་བྱ།། མ་རིག་ཡེ་ཤེས་ཟང་ཐལ
292b6 ལ།། གཟུང་འཛིན་ཐིག་ལེ་ཁོང་ནས་ཤར།། ཚིག་དབང་རིན་པོ་ཆེ་ཞེས་བརྗོད།། ཅེས་གསུངས་སོ།། ལྷ་རྒྱུད་རིན་པོ་ཆེ་སྤུངས་པ་ལས། ཐིག་ལེ་དང་ཡེ་ཤེས་ཀྱི་དབང་གི་ལེའུ་སྟེ་བཅུ་བདུན་པའོ།། །། དེ་ནས
iiif viewer powered by OpenSeadragon
