| e-texts navigator |
| Wylie |
290b1 བསྟེན།། རྟོག་པ་ཐམས་ཅད་རང་སར་དག། རྣམ་པར་རྒྱལ་བའི་སྤྱོད་པ་ཡིན།། བརྟུལ་ཤུགས་སྤྱོད་པ་ཞེས་ཀྱང་བྱ།། ཟས་ཀྱི་སྒྲ་བཅད་ཅེས་བྱའོ།། ཐམས་ཅད་རང་སྣང་རང་བྱུང་བས། རྟོགས་པས་རྩི་ལ་མ་རྟོགས
290b2 བདུད།། བདུད་ནི་འདྲེ་རུ་ཤར་བ་ཡིན།། རྩི་ནི་ལྷ་རུ་ཤར་བ་ཡིན།། བདུད་རྩི་འབྱུང་བའི་རྒྱུ་ནི་རང་བྱུང་ཡིན།། བསྒྲུབ་པའི་བདུད་རྩི་མ་ཡིན་རང་བྱུང་བདུད་རྩི་ཡིན།། ཞེས་གསུངས་སོ།། ལྷ་རྒྱུད་རིན་པོ་ཆེ་སྤུངས་པ
290b3 ལས། སྤྱོད་པའི་ལེའུ་སྟེ་བཅུ་བཞི་པའོ།། །། དེ་ནས་ཡང་བཀའ་སྩལ་པ།། གསང་བའི་བདག་པོ་ཁྱོད་ཉོན་ཅིག། དེ་ལྟར་བྱས་པའི་འབྲས་བུ་བསྟན་པ་ནི།། ཐིག་ལེ་མི་འདའ་ཡེ་ཤེས་ཀློང་སླེབས་ནས།། མི
290b4 འགྱུར་རྡོ་རྗེ་ལྟ་བུའི་སྐུ་ཐོབ་འགྱུར།། ལུས་ཀུན་ལས་ནི་རབ་གྲོལ་ཏེ།། ལུས་ཀྱི་མཐའ་རྟོགས་ཡེ་ཤེས་ལུས།། གནས་ཀྱི་མཐའ་གྲོལ་ཐིག་ལེར་བརྡལ།། སྐད་ཅིག་གཅིག་གིས་དོན་དང་མཇལ།། འཁོར་བ་མ་སྤངས
290b5 གནས་སུ་དག། མྱ་ངན་འདས་པ་རང་ལ་ཤར།། ཡེ་ཤེས་ཐིག་ལེའི་རྩེ་མོར་སླེབ།། ཕྱི་ནང་མེད་པར་དབྱིངས་དང་མཇལ། བགྲོད་པ་མེད་པར་རང་སར་སླེབ།། སྦྱང་པ་མེད་པར་གནས་སུ་དག། བསྒྲུབ་པ་མེད་པར
290b6 འབྲས་བུ་ཐོབ།། མ་བྱས་པ་རུ་ལས་རྣམས་ཟིན།། མ་བཀྲུས་པ་རུ་དྲི་མ་དག། སྒྲོན་མ་མ་བཏེག་མུན་པ་སངས། ཁམས་གསུམ་རྩ་བ་དེ་རུ་ཆོད།། སྲིད་གསུམ་ལོ་མ་དེ་རུ་ཆོད།། སྔ་མ་ཕྱི་མའི་བར་མཚམས་ཆོད།། སྲིད
iiif viewer powered by OpenSeadragon
