| e-texts navigator |
| Wylie |
28b1 རིགས་ཀྱི་མཁའ་འགྲོ་མས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་རྡོ་རྗེ་འཆང་ཆེན་པོ། རིག་པའི་སྐུ་དང་མཚན་ཉིད་ཇི་ལྟ་བུ་གསུང་དུ་གསོལ།། དེ་ནས་ཡང་བཀའ་སྩལ་པ། ཀྱེ་རིན་ཆེན་རིགས་ཀྱི་མཁའ་འགྲོ
28b2 མ་འཁོར་བྱེ་བ་དང་བཅས་པ་ཉོན་ཅིག། ཡང་དག་པའི་རིག་པ་སྤྱན་ལྔའི་དེ་བཞིན་ཉིད་ཐོབ་པར་འདོད་ན། རིག་པ་རྡོ་རྗེ་ལུ་གུ་རྒྱུད་ཀྱི་སྐུ་ལ་ལྟོས་ཤིག། དེ་ཡང་རིག་པའི་སྐུ་དེ་མངོན་སུམ་དུ་སྣང་ཞིང་། མངོན་སུམ
28b3 ལ་རབ་ཏུ་གནས་པས། ཤའི་སྤྱན་གྱིས་མངོན་སུམ་དུ་མཐོང་བྱེད་མ་འགགས་སོ།། དེའི་དོན་ལས་ཕྱི་ནང་གི་དངོས་པོ་ཐམས་ཅད་རྟོགས་པ་ནི། ཤེས་རབ་ཀྱི་སྤྱན་ཐོབ་པའོ།། དེ་ལ་ཕྱི་ནང་གི་ཆོས་རྫོགས་ཤིང་ཤར་བ
28b4 ནི།། ཆོས་ཀྱི་སྤྱན་གྱིས་ཐམས་ཅད་སྡུད་པར་ཤེས་པའོ།། དེའི་དོན་མ་འགགས་པས་ཆོས་ཐམས་ཅད་ཀྱི་དེ་བཞིན་ཉིད་ཤེས་པ་ནི། ཐམས་ཅད་མཁྱེན་པའི་སྤྱན་གྱིས་ཐམས་ཅད་མཁྱེན་ཅིང་ཐམས་ཅད་གཟིགས
28b5 པའོ།། དེ་ལ་ཡང་མི་གནས་པར་རིག་པའི་སྐུ་དེ་ཉིད་ལས་གཞན་དུ་མ་ཡེངས་པ་ནི། རྣམ་པར་གྲོལ་བའི་ཡེ་ཤེས་མཐོང་བའི་སྤྱན་རྣམ་པར་དག་པའོ།། དེའི་ཕྱིར་ན་སྤྱན་ལྔའི་དེ་བཞིན་ཉིད་རིག་པ་རྡོ་རྗེ་ལུ་གུ་རྒྱུད་ཀྱི
28b6 སྐུ་ལ་ཐུག་པའོ།། སྐྱེ་ཤི་མེད་པར་སྲོག་འཛིན་པར་འདོད་ན། རྡོ་རྗེ་ལུ་གུ་རྒྱུད་ཀྱི་ལྟ་སྟངས་ལ་ཐུག་གོ། འགག་པ་མེད་པར་རང་སར་གྲོལ་བར་འདོད་ན། ལུ་གུ་རྒྱུད་ཀྱི་སྣང་བ་ལ་ཐུག་གོ། དམིགས་པ་མེད་པར་མཚན
iiif viewer powered by OpenSeadragon
