| e-texts navigator |
| Wylie |
289b1 ཀྱིས་ངལ་དུབ་ཤ་ཆང་སྤང་།། དཀར་གསུམ་དག་ལ་བརྟེན་པ་ནི།། ཐུན་དགུར་བཅད་ལ་བསྒོམ་པར་བྱ། ཁམས་དང་སྦྱར་ཞིང་བསྒོམ་པ་ནི།། སྲོད་ནས་བརྩམས་ཏེ་བསྒོམ་པ་ལ། འགྱུ་བ་འོད་གསལ་བསྒོམ་པར
289b2 བྱ།། ཐུན་དང་ཁམས་རྣམས་གོང་དང་མཐུན།། སྤྱོད་པ་འོད་གསལ་ཁོ་ནར་བྱ།། གུང་ལ་འགྱུ་བ་རྗེས་མེད་བསྒོམ། འོད་གསལ་ཐུན་ཚད་ཁམས་དང་སྦྱར།། རྨི་ལམ་འབྱོངས་ན་ལམ་ཆེན་ཡིན།། འོད་གསལ་སྒྱུ་ལུས
289b3 མཁས་པས་བསྒོམ།། སྒྱུ་ལུས་བསྒོམས་པས་ཤེས་གྱུར་ན།། དེ་ནས་རིག་པ་འོད་གསལ་བསྒོམ།། རིག་པ་འོད་གསལ་ཤེས་ནས་ནི།། དེ་ནས་ཡེ་ཤེས་འོད་གསལ་བསྒོམ།། ཡེ་ཤེས་འོད་གསལ་ཤེས་ནས་ནི།། ཐིག་ལེ
289b4 འོད་གསལ་མཐར་ཟུག་བསྒོམ།། མ་ཤར་བ་ལ་ཤར་བ་བྱ།། ཤར་བ་བོགས་དབྱུང་བརྟན་པའི་འབྲས་བུ་བསྟན།། ཐོ་རངས་རང་སྣང་འོད་གསལ་བསྒོམ་པར་བྱ།། རྨིས་པའི་ཆོ་འཕྲུལ་རང་སྣང་འོད་གསལ
289b5 ཡིན།། བཙུན་མོ་བདེ་སྐྱོང་རྨིས་ནས་ནི།། བུ་བཙས་ལོ་གསུམ་ལོན་པ་རྨི།། བུ་ཡང་ཤི་སྟེ་བསྲེགས་པ་རྨི།། མྱ་ངན་ཆེན་པོ་སྐྱེས་ཀྱང་རྨི།། དེ་རྨིས་སད་པར་གྱུར་པ་ན།། སྡུག་བསྔལ་ཤེས་པ་ཙམ་གྱིས་གྲོལ།། དེ་བཞིན
289b6 རྨིས་པ་ཅི་བྱུང་ཡང་།། འཁྲུལ་པའི་སྣང་བར་རྟོགས་གྱུར་ན།། དེ་ཉིད་གཉིད་པས་བསྒོམ་པ་ཡིན།། དུས་བཞི་མཉམ་སྦྱོར་དགོངས་པའི་མཆོག། བསམ་གཏན་རང་གྲོལ་གདམས་པའི་མཆོག། ཟང་ཟིང་ཤེས་པ་གནད
iiif viewer powered by OpenSeadragon
