| e-texts navigator |
| Wylie |
289a1 སྣང་བ་སྣ་ཚོགས་ཀུན།། ཧཱུཾ་དུ་མི་འགྱུར་རང་དབང་མེད།། ཧཱུཾ་དེ་ཞུ་ནས་རང་གསལ་ཟང་ཐལ་བསྒོམ།། དེས་ནི་གསུང་གི་དགོངས་པ་རྫོགས།། ཨོཾ་དང་ཨཱཿདང་ཧཱུཾ་དང་ནི།། འཁོར་ལོ་རྡོ་རྗེ་པདྨ
289a2 དང་།། ཡིག་འབྲུ་གང་ཡང་རུང་བ་ལ། སྤྲོ་དང་བསྡུ་བ་བྱས་གྱུར་ན།། མཚན་བཅས་བསྒོམ་པ་རྫོགས་པ་ཡིན།། ཞེས་གསུངས་སོ།། ལྷ་རྒུད་རིན་པོ་ཆེ་སྤངས་པ་ལས། ལྷ་བསྒོམ་རིག་པ་རང་རྩལ་གྱི་ལེའུ་སྟེ་བཅུ
289a3 གཉིས་པའོ།། །། དེ་ནས་མཚན་མེད་བསྒོམ་པ་བསྟན་པ་ནི།། ཉོན་ཅིག་རྡོ་རྗེ་སེམས་དཔའ་ཁྱོད།། རང་གི་བྱང་ཆུབ་སེམས་ཉིད་ནི།། སྟོང་གསལ་ཁྱབ་པའི་དོན་དེ་ནི།། རང་གི་སྙིང་གི་དཀྱིལ་དུ
289a4 བསྒོམ།། གཟུང་འཛིན་རྣམ་པ་སྐྱེས་པའི་ཚེ།། དེ་ཉིད་སྟོང་པ་ཉིད་དུ་བསྒོམ།། དེ་ནས་ཤེས་པ་གསལ་གདབ་ལ།། མར་མེ་ལྟ་བུར་བསྒོམ་པར་བྱ།། གཟིངས་ཐོག་བྱ་འཕུར་སླར་ལ་ལྡོག། འཕྲོ་བ་སྟོང་པར་བསྒོམས
289a5 པས་གཟུང་འཛིན་ལྡོག། དཔེར་ན་ཆུ་ལ་འཁྱགས་ཞུ་བཞིན།། དུག་ལྔ་བསྒོམས་པས་གཟུང་འཛིན་འཇིག། དཔེར་ན་ནམ་མཁའ་སྤྲིན་དངས་བཞིན།། རྟོག་པ་སྐྱེ་མེད་བསྒོམས་པས་གྲོལ་བར་འགྱུར།། བྱ་བ་བཏང
289a6 པའི་སྐྱེས་བུ་བཞིན།། ལྷང་ངེ་མ་བཅོས་དང་ལ་བཞག། སྟོང་ཉིད་འོད་གསལ་བསྒོམ་པར་བྱ།། དང་པོ་སྔ་དྲོ་ནས་བརྩམས་ནས།། ཚོགས་དྲུག་འོད་གསལ་བསྒོམ་པར་བྱ།། ཤེས་པ་འཁྱོག་པ་བསྲངས་ནས་ནི།། ལུས
iiif viewer powered by OpenSeadragon
