| e-texts navigator |
| Wylie |
288b1 རྗེར་བསྒོམ།། རྡོ་རྗེ་འོད་ཞུ་རྡོ་རྗེ་སེམས་དཔར་བསྒོམ།། སྐུ་མདོག་དཀར་པོ་གངས་རིར་ཉི་ཤར་འདྲ།། གཡས་ན་རྡོ་རྗེ་རྩེ་ལྔ་བསྣམས།། གཡོན་པས་དྲིལ་བུ་དཀུ་རུ་བརྟེན།། རྒྱན་རྣམས་ཀུན་གྱིས་བརྒྱན་པར
288b2 བསྒོམ།། ཨོཾ་བཛྲ་ས་ཏྭ་ཧཱུཾ། དབང་པོ་འབྲུ་ལྔ་ཐུགས་ཀྱི་ཡང་སྙིང་བཟླ། བཛྲ་ཨཱ་ཧ་ར་ཧཱུཾ། དྷཱ་པེ་ཧཱུཾ། པུཥྤེ་ཧཱུཾ། ཨཱ་ལོ་ཀེ་ཧཱུཾ། གནྡྷེ་ཧཱུཾ། ནེ་བི་ཏེ་ཧཱུཾ། ཤཔྟ་རཏྣ་ཧཱུཾ། ཞེས་མཆོད་པས། འགྲོ་དྲུག་ཞུ་ནས་བདག་ཞུ་སྟེ།། སྤྱི
288b3 གཙུག་རྡོ་རྗེ་སེམས་དཔར་ཐིམ།། རྡོ་རྗེ་སེམས་དཔའ་འོད་དུ་ཞུ།། རྡོ་རྗེ་དཀར་པོ་རྩེ་ལྔར་གྱུར།། རྡོ་རྗེ་འོད་ཞུ་ཧཱུཾ་ལ་ཐིམ།། ཧཱུཾ་གི་ཞབས་བསྐྱེད་ཞུ་ནས་ནི།། འ་ཡང་འོད་དུ་ལྟེམས་ཀྱིས་ཞུ།། དེ་ནས་ཧ་ཡང་འོད་དུ་ཞུ
288b4 བ་ཡིས།། དེ་ཡང་ཟླ་བ་དག་ལ་ཐིམ།། ཟླ་བ་འོད་ཞུ་ཐིག་ལེ་ལ།། ཐིག་ལེ་འོད་ཞུ་ཡེ་ཤེས་ཟང་ཐལ་བསྒོམ།། དེ་ནི་ཐིག་ལེ་ཁོང་ཤར་ཡིན།། མཚན་བཅས་སྐུ་ཡི་བསྒོམ་པའོ།། ཐུགས་ཀྱི་ཕྱག་མཚན་བསྒོམ་པ
288b5 ནི།། དང་པོ་རང་གི་སེམས་ཉིད་སྟོང་པར་བསྒོམ།། དེ་ཡི་ངང་ལས་རྡོ་རྗེར་བསྒོམ།། རྡོ་རྗེའི་ནང་དུ་རང་ཉིད་ནི།། རང་གསལ་འཕྲོ་བ་མེད་པར་བསྒོམ།། དེ་ཡིས་ཐུགས་ཀྱི་བསྒོམ་པ་རྫོགས།། ད་ནི་གསུང་གི་བསྒོམ
288b6 བསྟན།། དང་པོ་རང་བྱུང་སེམས་ཉིད་སྟོང་།། མཚོན་པའི་ཧཱུཾ་ཡང་སྔོན་དུ་བྲི།། དེ་ལ་ཤེས་པ་གཏད་ལ་བསྒོམ།། དེ་ནས་ཤེས་པ་ཧཱུཾ་དུ་བསྒོམ།། ཧཱུཾ་ལ་ཤེས་པ་ཚུད་པ་ནི།། སེམས་ཟིན་པ་ཡི་ཚད་ཡིན་ནོ།། དེ་ནས
iiif viewer powered by OpenSeadragon
