| e-texts navigator |
| Wylie |
288a1 མེད་པར་དབང་བསྐུར་བྱེད།། སྔགས་མེད་དུག་ལ་རྔུབ་པ་འདྲ།། སློབ་མ་ཚད་དང་མི་ལྡན་པས།། དབང་བསྐུར་ནོད་པ་བྱེད་པ་དེ།། སྦྲང་མ་མེ་ལ་མཆོངས་པ་འདྲ།། སློབ་དཔོན་ཚད་ལྡན་དབང་བསྐུར
288a2 ན།། བདུད་རྩིའི་ལོངས་སྤྱོད་སྤེལ་བ་འདྲ།། སློབ་མ་ཚད་ལྡན་དབང་ནོད་པ།། བྱ་རྒོད་གནམ་འཕང་གཅོད་པ་འདྲ།། ཞེས་གསུངས་སོ།། ལྷ་རྒྱུད་རིན་པོ་ཆེ་སྤུངས་པ་ལས། དབང་བསྐུར་བའི་ཡོན་ཏན་དང་སྐྱོན
288a3 བསྟན་པའི་ལེའུ་སྟེ་བཅུ་གཅིག་པའོ།། །། དེ་ནས་ཡང་བཀའ་སྩལ་པ།། གསང་བའི་བདག་པོ་ཁྱོད་ཉོན་ཅིག། ལྟ་བ་རིག་པ་རང་རྩལ་བསྟན་པ་ནི།། ལྟ་བ་སྐྱེ་མེད་རྣམ་པར་དག། རང་བཞིན་ཆོས་སྐུ་བརྗོད
288a4 ལས་འདས།། གཉིས་མེད་རང་སྣང་མ་བཅོས་པ།། ཆོས་ཉིད་སྐྱེ་མེད་ཤེས་བྱའི་གཤིས།། སེམས་ཉིད་མ་བཅོས་བློ་ལས་འདས།། སེམས་ཉིད་སྟོང་པ་ཆོས་ཀྱི་སྐུ།། ནམ་མཁའ་ལྟ་བུའི་ཆོས་ཉིད་ལས།། ཉི་ཟླ་སྐར
288a5 ཚོགས་མ་འདྲེས་རྫོགས།། ཚོགས་རྫོགས་རང་བྱུང་ལྟ་བའི་མཆོག། དངོས་པོ་མེད་པ་རང་སར་གྲོལ།། རང་གྲོལ་འུབ་ཆུབ་ལྟ་བའི་ཀློང་།། ལྟ་བ་ཀློང་ཆེན་མཐའ་གྲོལ་ཡིན།། ལྟ་བ་རིག་པའི་དབང་ཐོབ་ན།། སྐྱེ་བ
288a6 མེད་པའི་དགོངས་པ་ཐོབ།། བསྒོམ་པ་རིག་པ་རང་རྩལ་དབང་།། མཚན་བཅས་བསྒོམ་དང་མཚན་མེད་བསྒོམ།། དང་པོ་མ་ཤར་ཤར་བར་བྱེད་པ་ལ།། ནམ་མཁའ་སྟོང་པའི་མཁའ་དཀྱིལ་བསྒོམ།། དེ་ལས་ཧཱུཾ་ཞུ་རྡོ
iiif viewer powered by OpenSeadragon
