| e-texts navigator |
| Wylie |
287b1 ཏེ།། རྩ་ཆེན་བརྒྱད་ལ་གནས་པ་ཡིན།། རྟགས་ཀྱི་རྩ་དང་ཡོན་ཏན་རྩ།། རྣམ་པ་བརྒྱད་དུ་ཤེས་པར་བྱ།། དེ་ནི་རྟེན་གྱི་གསང་ལམ་ཡིན།། མ་རིག་པ་ཡི་གདར་བཅད་པས།། རིག་པའི་ཡེ་ཤེས་ཁོང་ནས་རྡོལ།། ཐིག
287b2 ལེ་བརྩེགས་པའི་དབང་མཆོག་ཐོབ།། ཚིག་དབང་ཞེས་ནི་དེ་ལ་བྱ།། འཁོར་བ་རྩད་གཅོད་ཅེས་ཀྱང་བྱ།། མ་རིག་མིག་འབྱེད་ཅེས་ཀྱང་བྱ།། རིག་པའི་ཡེ་ཤེས་ཞེས་ཀྱང་བྱ།། ཡེ་ཤེས་རང་ཤར་ཞེས་ཀྱང་བྱ།། ཤེས
287b3 རབ་རང་བྱུང་ཞེས་ཀྱང་བྱ།། ཡེ་ཤེས་ཐིག་ལེ་ཁོང་ནས་ཤར།། ཞེས་གསུངས་སོ།། ལྷ་རྒྱུད་རིན་པོ་ཆེ་སྤུངས་པ་ལས། ཚིག་དབང་རིན་པོ་ཆེའི་ལེའུ་སྟེ་བཅུ་པའོ།། །། དེ་ནས་ཡང་བཀའ་སྩལ་པ།། ཉོན་ཅིག
287b4 གསང་བའི་བདག་པོ་ཁྱོད།། དབང་བསྐུར་ཡོན་ཏན་བསྟན་པ་ནི།། བུམ་པའི་དབང་བསྐུར་ཉོན་མོངས་སྒྲིབ་པ་དག། ཐབས་ཀྱི་དབང་བསྐུར་ལས་ཀྱི་སྒྲིབ་པ་དག། ཤེས་རབ་དབང་བསྐུར་ཤེས་བྱའི་སྒྲིབ་པ
287b5 དག། གསང་བའི་དབང་བསྐུར་ངོ་བོའི་སྒྲིབ་པ་དག། ཚིག་གི་དབང་བསྐུར་རྣམ་སྨིན་སྒྲིབ་པ་དག། བུམ་དབང་བསྐུར་བས་སྦྲུལ་སྐུ་འཐོབ།། ཐབས་ཀྱི་དབང་བསྐུར་ལོངས་སྐུ་འཐོབ།། ཤེས་རབ་དབང་བསྐུར་ཆོས
287b6 སྐུ་འཐོབ།། གསང་བའི་དབང་བསྐུར་ཡེ་ཤེས་སྐུ།། ཚིག་གི་དབང་བསྐུར་རང་གྲོལ་འཐོབ།། དབང་མ་བསྐུར་བར་ཆོས་འཆད་པ།། ལོང་བས་ལོང་བ་ཁྲིད་པ་འདྲ།། སློབ་དཔོན་ཚད་མར་མ་གྱུར་པས།། གདམས་པ
iiif viewer powered by OpenSeadragon
