| e-texts navigator |
| Wylie |
286b1 དང་།། དམ་ཚིག་ས་བོན་བསྐྱེད་པ་དང་།། སྦྱོར་བ་གཉིས་མེད་བསྟིམ་པ་དང་།། བདེ་བའི་མཆོད་པ་འབུལ་བ་དང་།། མཆོད་པ་ཕྱོགས་བཅུར་སྤྲོ་བ་དང་།། དེ་རྣམས་རྒྱས་སུ་གདབ་པ་ནི།། རྩོལ་བ་དང་བཅས་དབང
286b2 ཞེས་བརྗོད།། ཅེས་གསུངས་སོ།། ལྷ་རྒྱུད་རིན་པོ་ཆེ་སྤུངས་པ་ལས། གསང་བའི་དབང་གི་ལེའུ་སྟེ་དགུ་པའོ།། །། དེ་ནས་ཡང་བཀའ་སྩལ་པ།། ཉོན་ཅིག་གསང་བའི་བདག་པོ་ཁྱོད།། ཚིག་གི་དབང་ལ་རྣམ་ལྔ
286b3 སྟེ།། སྣང་སྲིད་ཚིག་ཏུ་སྟོན་པ་ནི།། དངོས་པོ་སྣ་ཚོགས་གཟུགས་སྣང་བ། འབྱུང་བ་ལྔ་ནི་བུམ་པར་བཤད། ཁ་དོག་སྣ་ཚོགས་བུམ་པའི་རྒྱན།། དབྱིངས་སུ་སྣང་བ་མགུལ་ཆིངས་ཡིན།། འདུ་འབྲལ་མེད་པ
286b4 གཟུངས་ཐག་ཡིན།། འགྲོ་དྲུག་ལོངས་སྐུར་ཅིར་སྣང་བ།། བུམ་པའི་རྫས་སུ་བསྟན་པ་ནི།། དེ་ནི་བུམ་པའི་དབང་ཡིན་ནོ།། སྣང་སྲིད་བསྡུས་ནས་ལམ་དུ་བསླང་།། སྣང་བ་རང་བྱུང་ཡེ་ཤེས་ཤར།། བླ་མའི་གདམས
286b5 པས་ཕྱོགས་མེད་གྲོལ།། རང་སྣང་ཡེ་ཤེས་འཕེལ་འགྲིབ་མེད།། ཕྱི་ནང་མེད་པ་ཡེ་ཤེས་སྐུ།། ཡེ་ཤེས་སྐུ་སྟེ་རང་བྱུང་བ།། དེ་ནི་ཐབས་ཀྱི་དབང་མཆོག་ཡིན།། ད་ནི་ཤེས་རབ་དབང་བསྟན་པ།། ཐུགས་རྗེ་འགག་པ
286b6 མེད་པ་དེ།། ཡིད་འགྱུས་སྣང་སྲིད་སེམས་སུ་ཤར།། གཟུང་འཛིན་རྩ་བ་མ་རིག་ཅན།། གཉིས་མེད་རིག་པ་ཕྱི་ནང་མེད།། ཡེ་ཤེས་ཤེས་རབ་ཟང་ཐལ་བས།། ཡེ་ཤེས་ཤེས་རབ་ཟང་ཐལ་དེ།། ཚད་མ་ཁོང་ནས་ཤར
iiif viewer powered by OpenSeadragon
