| e-texts navigator |
| Wylie |
286a1 གསུམ་དག་པའི་སྣང་བའོ།། སྒོ་ལྔ་འབྲུ་ལྔ་ཡེ་ཤེས་ལྔ།། ཕུང་པོ་ལྔ་ནི་རིན་ཆེན་སྣ་ལྔ་ཡིན། རང་བྱུང་བདུད་རྩི་སྨན་ལྔའི་ངོ་བོ་ལ།། རྣམ་ཤེས་ལྔ་ནི་དྲི་ལྔ་ཡིན་པར་བཤད།། བྱང་ཆུབ་སེམས་ནི་བདུད
286a2 རྩི་འོ་མ་ཆུ།། དབུགས་ནི་གཟུངས་ཐག་ཐུགས་རྗེས་འབྲེལ།། དེ་ནི་བུམ་པའི་དབང་ཡིན་ནོ།། རང་ལ་སྣང་བ་ཐབས་ཀྱི་དབང་།། དེ་ལྟར་ཤེས་པས་ཤེས་རབ་དབང་།། ཡེ་ནས་གྲུབ་པ་ཡེ་ཤེས་དབང་།། དེ་མཚོན་པ
286a3 ནི་ཚིག་དབང་ངོ་།། ཤེས་རབ་དབང་ལ་རྣམ་པ་ལྔ།། བྷ་ག་བུམ་པའི་རང་བཞིན་ནོ།། རཀྟ་བུམ་རྫས་རང་བཞིན་ནོ།། རྩ་གསུམ་ཉེད་པ་ཐབས་ཀྱི་དབང་།། ཟུང་འཇུག་སྟོང་པ་ཤེས་རབ་དབང་།། བདེ་བའི་ཡེ་ཤེས
286a4 གསང་བའི་དབང་།། ངག་གིས་བརྒྱན་པ་ཚིག་དབང་ངོ་།། ཞེས་གསུངས་སོ།། ལྷ་རྒྱུད་རིན་པོ་ཆེ་སྤུངས་པའི་རྒྱུད་ལས། ཐབས་དང་ཤེས་རབ་ཀྱི་དབང་བསྟན་པའི་ལེའུ་སྟེ་བརྒྱད་པའོ།། དེ་ནས་ཡང་བཀའ་སྩལ
286a5 པ།། གསང་བའི་དབང་ལ་རྣམ་ལྔ་སྟེ།། རྡོ་རྗེ་བུམ་པ་ཆོས་ཀྱི་སྐུ།། རྩ་གསུམ་བརྒྱན་པ་ལོངས་སྐུ་ཡིན།། ཐིག་ལེ་སྤྲུལ་པའི་སྐུ་རུ་བཤད།། བདེ་བ་ཆེན་པོ་བུམ་རྫས་ཡིན།། དེ་ནི་བུམ་པའི་དབང་ཡིན་ནོ།། ཡིག་འབྲུ
286a6 བཀོད་པ་ཐབས་ཀྱི་དབང་།། ལྷ་རྣམས་སྦྱོར་བ་མཛད་པ་ནི།། བྷ་ག་སྟོང་པ་ཤེས་རབ་དབང་།། བྱང་ཆུབ་སེམས་འཕྲོས་གསང་བའི་དབང་།། རྒྱས་གདབ་པ་ནི་ཚིག་དབང་ཡིན།། ཡེ་ཤེས་ས་བོན་དགུག་པ
iiif viewer powered by OpenSeadragon
