| e-texts navigator |
| Wylie |
285b1 སྤུསྤངས་པ་ལས། ལྷ་དབང་ལུས་ལ་བསྐུར་བ་དང་། རྩོལ་མེད་རང་སྣང་དུ་བསྟན་པའི་ལེའུ་སྟེ་དྲུག་པའོ།། །། དེ་ནས་ཡང་བཀའ་སྩལ་པ། རྩོལ་བཅས་ལྷ་དབང་བསྟན་པ་ནི།། དང་པོ་བུམ་པའི་དབང་ཡིན
285b2 ཏེ།། བུམ་པ་ལྷ་ཡི་གྲངས་དང་མཐུན།། དེ་ལ་དབང་ལྔ་རྫོགས་པ་ནི།། བུམ་པ་གཞལ་ཡས་ཁང་ཡིན་པས།། བྷྲཱུཾ་ལས་གཞལ་ཡས་ཁང་དུ་བསྐྱེད།། དེ་ཡི་ནང་དུ་བུམ་རྫས་བླུགས།། གདན་དང་བསྐྱེད་དང་སྤྱན་འདྲེན
285b3 བསྟིམ།། འཛབ་དང་བསྙེན་བསྒྲུབ་བྱས་ནས་ནི། དེ་ནས་འོད་དུ་ཞུ་ནས་ནི།། སྤྱི་བོ་དག་ནས་དབང་བསྐུར་བ།། བུམ་པའི་དབང་ཞེས་བརྗོད་པ་ཡིན།། ལུས་ཀྱི་སྒྲིབ་པ་དག་པར་བྱེད།། བུམ་པ་བུམ་རྫས་བསྐྱེད
285b4 བྱ་ཐབས་ཀྱི་དབང་།། ལྷ་རྣམས་བཀུག་བསྟིམ་སྦྱོར་བ་མཛད།། ཤེས་རབ་དབང་དུ་བསྟན་པ་ནི།། སྦྱོར་བ་བྱང་ཆུབ་སེམས་ཀྱི་ཆུ།། ཡེ་ཤེས་དབང་དུ་བསྟན་པ་ཡིན།། རྡོ་རྗེ་ལྕེ་སྟེང་བཞག་པ་ཡིས།། ངག་གི་སྒྲིབ་པ
285b5 དག་པར་བྱེད།། ལྷ་ལ་ཡེ་ཤེས་རྒྱས་བཏབ་ནས།། སྐྱེ་བ་མེད་པར་བསྟན་པ་ནི།། ཚིག་གི་དབང་དུ་བརྗོད་པ་ཡིན།། སེམས་ཀྱི་སྒྲིབ་པ་དག་པར་བྱེད།། ཅེས་གསུངས་སོ།། ལྷ་རྒྱུད་རིན་པོ་ཆེ་སྤུངས་པ་ལས། བུམ་པའི
285b6 དབང་གི་ལེའུ་སྟེ་བདུན་པའོ།། །། དེ་ནས་ཡང་བཀའ་སྩལ་པ། ཐབས་དང་ཤེས་རབ་དབང་ལ་རྣམ་ལྔ་སྟེ།། ཕ་ནི་ཐབས་ཀྱི་རང་བཞིན་ཏེ།། ལུས་ཀྱི་བུམ་པ་སྣང་བ་ཡིན།། སྒྲ་དང་ལུས་རྒྱན་ལུས་པོ་ནི།། སྐུ
iiif viewer powered by OpenSeadragon
