| e-texts navigator |
| Wylie |
284a1 གཏན་ལ་གང་འབེབས་པ།། མན་ངག་ཀུན་གྱི་མཆོག་ཏུ་བཤད།། དེ་དོན་ཐུགས་ལ་གང་གནས་པ།། ལུང་རྣམས་མ་ལུས་ཐུགས་ལ་གནས།། རྒྱུད་ལུང་མན་ངག་དབྱེར་མེད་པས།། ཐིག་ལེ་ཡེ་ཤེས
284a2 བརྩེགས་པ་ཡིན།། ཞེས་གསུངས་སོ།། ལྷ་རྒྱུད་རིན་པོ་ཆེ་སྤུངས་པ་ལས། བྱིན་རླབས་ཀྱི་རྒྱུད་བསྟན་པའི་ལེའུ་སྟེ་ལྔ་པའོ།། །། དེ་ནས་གསང་བའི་བདག་པོ་ཡིས།། བཅོམ་ལྡན་ཀུན་ཏུ་བཟང་པོ་ལ།། རྩོལ
284a3 མེད་བྱིན་རླབས་ཇི་ལྟར་ལགས།། ཞེས་ཞུས་པས། བཀའ་སྩལ་པ། བྱིན་རླབས་དབང་ལས་འཇུག་པས་ན།། དབང་གི་གདམས་པ་བཤད་པར་བྱ།། དབང་ལ་ཕྱི་ནང་གསང་བ་གསུམ།། ལྷ་དབང་ཡེ་ཤེས་སྐུ་ཡི
284a4 དབང་།། ཆོས་དབང་རིག་པ་སེམས་ཀྱི་དབང་།། རྩོལ་མེད་ཡེ་ཤེས་ཐིག་ལེའི་དབང་།། དེ་འདོད་པ་ཡི་གང་ཟག་གིས།། ལུས་སྲོག་བུ་སྨད་འཁོར་རྫས་ཀུན།། བྱིན་རླབས་ཞུ་བའི་ཡོན་དུ་དབུལ།། སྦྱིན་པ་བསམ་གྱིས
284a5 མི་ཁྱབ་པས།། དབང་བསྐུར་ནུས་པའི་བླ་མ་ལ།། ཡོན་ཕུལ་ཡོན་ཏན་བསམ་མི་ཁྱབ།། སློབ་དཔོན་གདམས་པས་མ་བརྒྱན་པ།། དེ་འདྲའི་སློབ་དཔོན་བསྟེན་མིན་ཏེ།། དེ་བསྟེན་བྱིན་རླབས་འབྱུང་མི་འགྱུར།། སློབ
284a6 མ་ཤེས་རབ་མ་བརྒྱན་ཅིང་།། གདམས་པ་གཟུང་མི་ཐུབ་པ་ནི།། དེ་ནི་སློབ་མ་སྣོད་མིན་ཏེ།། དེ་ལ་བྱིན་རླབས་འཇུག་མི་འགྱུར།། ཛ་ལོག་པས་ནི་དོན་ཀུན་འགྲུབ།། ལྷ་དབང་ཡེ་ཤེས་དབང་བསྐུར་བས།། མིག་གི
iiif viewer powered by OpenSeadragon
