| e-texts navigator |
| Wylie |
283b1 སྐུ་གསུམ་རང་སྣང་བས། ཡེ་ཤེས་རང་སྣང་འཁོར་ལོ་བསྐོར།། རྟོག་པ་ཡེ་ཤེས་འཁོར་ལོ་ཡིན།། ཆོས་ཀྱི་འཁོར་ལོ་ཕྱི་ནང་གསང་བ་གསུམ།། དེ་དོན་རྟོགས་པའི་བྱིན་རླབས་བརྒྱུད་པ་ཡིན།། ཉི་མའི་སྙིང་པོ་ཟེར་དང
283b2 འོད།། ཟླ་བ་ལྟེང་ཀའི་གཟུགས་སྣང་བ།། ཐ་དད་དུ་མར་མཐོང་བ་ལྟར།། སྐུ་གཅིག་ཡོངས་ལ་སྣང་བས་སྦྲུལ་སྐུ་ཡིན།། ཡེ་ཤེས་ཕྱོགས་མེད་ཤར་བས་ཐུགས་རྗེ་འོད་པོ་ཆེ།། ཀུན་ལ་སྙོམས་པས་ཐུགས་རྗེ་ཕྱོགས
283b3 མེད་ཤར།། ཞེས་གསུངས་སོ།། ལྷ་རྒྱུད་རིན་པོ་ཆེ་སྤུངས་པ་ལས། བྱིན་རླབས་འབྱུང་བ་བསྟན་པའི་ལེའུ་སྟེ་བཞི་པའོ།། །། དེ་ནས་གསང་བའི་བདག་པོ་ཡིས།། རྒྱུད་ལུང་འབྱུང་བ་ཇི་ལྟར་ལགས།། དེ་ཡི་ངོ་སྤྲོད
283b4 ཇི་ལྟར་བགྱི།། ཞེས་ཞུས་པས།། བཅོམ་ལྡན་འདས་ཀྱིས་བཀའ་སྩལ་པ།། རང་བཞིན་བྱིན་རླབས་ངོ་བོའི་རྒྱུད། རང་བཞིན་རྒྱུད་ལ་རྣམ་པ་གཉིས།། ངེས་པའི་རྒྱུད་དང་དོན་གྱི་རྒྱུད།། ངེས་རྒྱུད་སངས་རྒྱས་དགོངས
283b5 པ་ཡིན།། རྒྱུན་དུ་མི་འགྱུར་རྒྱུད་ཀྱི་མཆོག། དེ་དོན་ཐུགས་ལ་གང་གནས་པ།། དོན་རྒྱུད་ཆེན་པོ་ཡིན་པར་བཤད།། བྱིན་རླབས་རྒྱུད་ལ་རྣམ་པ་གསུམ།། ངོ་བོ་ཉིད་ཀྱི་བྱིན་རླབས་དང་།། རྩོལ་དང་བཅས་དང་རྩོལ
283b6 མེད་དང་།། རང་བཞིན་བྱིན་རླབས་རྣམ་པ་གསུམ།། ངོ་བོ་བྱིན་རླབས་རང་སྣང་ཡིན།། རྩོལ་མེད་བྱིན་རླབས་ཐུགས་རྗེའོ།། རྩོལ་བཅས་བྱིན་རླབས་གདམས་པའོ།། རང་བཞིན་བྱིན་རླབས་ཀུན་ལ་འཇུག། དེ་དོན
iiif viewer powered by OpenSeadragon
