| e-texts navigator |
| Wylie |
283a1 ལྟར་འཁྲུལ་ཞེ་ན།། ཀུན་གཞིའི་རླུང་ཆེན་མ་འགགས་པས།། མ་ནི་རླུང་གི་འཁྲུལ་པ་ཡིན།། དེ་ཡང་ཀུན་གཞི་སྤྱན་ཡིན་ཏེ།། གཞི་གསུམ་དབྱེར་མེད་སྤྱན་ཆེན་པོ།། གྱེན་དང་ཟད་ཀ་ཟུར་དུ
283a2 གཟིགས།། གཟིགས་པའི་སྤྱན་གསུམ་ཁོང་ནས་ཤར།། ཐུར་དུ་གཟིགས་པ་འགྲོ་དྲུག་སྤྱན། འགྱུ་བའི་སྤྱན་གྱིས་ཀུན་ཏུ་བལྟ།། འོད་ལྔ་ལམ་གྱི་རྟ་ཕོ་ལ།། ཆགས་སྡང་ལྔ་ཡིས་འཁྲུལ་པ་ཡིན།། ལས་ནི་ལུང་མ་བསྟན
283a3 གྱི་ལས།། རྒྱུ་རྐྱེན་དུས་མཚུངས་རྒྱུ་ལྟར་འཁོར།། མ་རིག་འདམ་དུ་བྱིང་བ་ཡིན།། དམྱལ་བ་ལ་སོགས་འགྲོ་དྲུག་འཁྲུལ།། ལས་ཀྱི་འབྲས་བུ་ལུང་མ་བསྟན།། ཚེ་ཚད་ལ་སོགས་དུས་ལ་ངེས་པ་མེད།། དེ་ནི་ཐུར་དུ
283a4 གཟིགས་པའི་སྤྱན།། ཞེས་གསུངས་སོ།། ལྷ་རྒྱུད་རིན་པོ་ཆེའི་སྤུངས་པ་ལས། འགྲོ་དྲུག་རང་སྣང་གི་ལེའུ་གསུམ་པའོ།། །། དེ་ནས་གསང་བའི་བདག་པོ་ཡིས།། འགྲོ་དྲུག་འཁྲུལ་པ་ཇི་ལྟར་བཟློག། ཅེས
283a5 ཞུས་པས། ཀུན་ཏུ་བཟང་པོས་བཀའ་སྩལ་པ།། འགྲོ་དྲུག་འཁྲུལ་པ་བཟློག་པ་ནི། ངོ་བོ་ཉིད་ཀྱི་བྱིན་རླབས་ནི། ཆོས་ཀྱི་སྐུ་ཡི་བྱིན་རླབས་སོ།། དེ་ཡི་བྱིན་རླབས་རྡོ་རྗེ་སེམས་དཔའ་ཁྱོད།། དེ་ཡི་བྱིན་རླབས་སྣང
283a6 བ་ཐུབ་པ་དྲུག། ཐུན་མོང་ལྡོག་པའི་སྟོན་པ་ཡིན། ཁྱད་པར་བཀའ་བརྒྱུད་བྱིན་བརྒྱུད་དང་།། ཐུགས་སུ་བརྒྱུད་པའི་སྟོན་པ་གསུམ།། ཐུགས་རྗེ་ཆོས་ཀྱི་འཁོར་ལོ་ནི།། བྱིན་གྱིས་བརླབས་ཀྱི་བསྐོར་བ་ཡིན། མཆོག་གི
iiif viewer powered by OpenSeadragon
