| e-texts navigator |
| Wylie |
282b1 མཆོག། དོན་གྱི་ཡེ་ཤེས་ཁོང་ནས་ཤར།། ཡེ་ཤེས་ཁོང་ཤར་མིག་ཕྱེད་པས།། ཡེ་ཤེས་མིག་ཅན་དྲི་མ་མེད།། མ་རིག་སྒོ་ངའི་སྦུབས་འབྱེད་པ།། རང་བྱུང་ཡིད་ཀྱི་ཤེས་རབ་ཀྱི།། འགྱུ་བའི་ལིང་ཏོག་གསེར་གྱི་ཐུར
282b2 མས་ཕྱེད།། མིག་གི་དབང་པོ་སོ་སོར་མ་འགག་པ།། སོ་སོར་རྟོག་པའི་ཡེ་ཤེས་ཡིན།། རང་བཞིན་མེད་པའི་ཟང་ཐལ་དེ།། ཆོས་ཀྱི་དབྱིངས་ཀྱི་ཡེ་ཤེས་ཡིན།། དེ་ཉིད་རང་གསལ་ཆེན་པོར་ཤར། མེ་ལོང་ལྟ་བུའི་ཡེ
282b3 ཤེས་ཡིན།། ཕྱི་ནང་མེད་པར་མཉམ་པས་ན།། མཉམ་པ་ཉིད་ཀྱི་ཡེ་ཤེས་ཡིན།། ཐམས་ཅད་མ་ལུས་ལྷུན་གྲུབ་པས།། བྱ་བ་གྲུབ་པའི་ཡེ་ཤེས་ཡིན།། ཡེ་ཤེས་ཡིན་པས་རྩོལ་བསྒྲུབ་མེད།། ཡོན་ཏན་ཡེ་ཤེས་ལྔ་དང
282b4 ལྡན།། འབྲས་བུ་སྐུ་གསུམ་ཁོང་ནས་ཤར།། མཆོག་གི་དང་པོ་སྐུ་གསུམ་འཆང་།། སྐུ་གསུམ་རང་གྲོལ་ལམ་གྱི་མཆོག། ཡེ་ཤེས་རང་ཤར་རིག་པའི་མཆོག། འདས་པ་ལྔ་པོ་འབྲས་བུའི་མཆོག། ཡེ་ཤེས་ཟང་ཐལ
282b5 གདམས་པའི་མཆོག་སངས་རྒྱས་ཀུན་གྱི་དགོངས་པ་ཡིན།། ཞེས་གསུངས་སོ།། ལྷ་རྒྱུད་རིན་པོ་ཆེ་སྤུངས་པ་ལས། ཀུན་ཏུ་བཟང་པོ་རང་སྣང་གི་ལེའུ་སྟེ་གཉིས་པའོ།། །། དེ་ནས་གསང་བའི་བདག་པོ
282b6 ཡིས།། འགྲོ་དྲུག་མ་དག་འཁྲུལ་པ་ཇི་ལྟར་ལགས།། ཞེས་ཞུས་པས། ཀུན་ཏུ་བཟང་པོས་བཀའ་སྩལ་པ།། ཐོག་མ་མེད་པའི་གཞི་མ་དེ།། དེ་ཡོད་པས་ན་འགྲོ་དྲུག་ཀྱང་།། མི་འཁྲུལ་པ་ཡི་རང་དབང་མེད།། དེ་ཡང་ཇི
iiif viewer powered by OpenSeadragon
