| e-texts navigator |
| Wylie |
282a1 ལགས།། བྱིན་རླབས་འབྱུང་བ་ཇི་ལྟར་ལགས།། འཁྲུལ་པར་སྣང་བ་ཇི་ལྟ་བུ།། ལྡོག་བཅས་ཆོས་དེ་གང་ལ་གསུངས།། ཞེས་ཞུས་སོ།། ལྷ་རྒྱུད་རིན་པོ་ཆེ་སྤུངས་པ་ལས། གླེང་གཞིའི་ལེའུ་སྟེ་དང
282a2 པོའོ།། །། དེ་ནས་བཅོམ་ལྡན་ཀུན་བཟང་གིས།། དེ་ལས་འཁྲུལ་པ་བསྟན་པ་ནི།། ཀུན་གཞི་གཏེར་གྱི་འབྱུང་གནས་ལ།། ལྷུན་གྲུབ་ཡོན་ཏན་ཕྱོགས་མེད་ཀློང་།། དཔེར་ན་རྒྱ་མཚོར་ཆོས་མཐུན་པ།། རང
282a3 བྱུང་རླུང་གི་རྟ་ཕོས་བསྐྱོད།། མ་ནིང་རྣམ་གསུམ་ཡིད་འགྲུས་པས།། འགྱུ་བ་རླུང་གི་མིག་ཅན་དེ།། རང་སྣང་འོད་ལྔའི་ལམ་དུ་ཞུགས།། ང་ཉིད་མཁྱེན་པའི་ཤེས་རབ་ཡིན།། རྣམ་གསུམ་ཤེས་པས་ཤེས་རབ
282a4 མཆོག། མཆོག་གི་སྐུ་གསུམ་རང་ལ་ཤར།། འདས་པ་ལྔ་ཡི་ཀློང་དུ་གྲོལ།། གསུམ་སེལ་སྒྲིབ་པ་ཀུན་ལས་གྲོལ།། སངས་རྒྱས་ལྔ་བདག་ཅོད་པན་ཅན།། ཡེ་ཤེས་འབའ་ཞིག་ལས་བྱུང་བ།། མགོན་པོ་ཀུན་གྱི་ཡབ
282a5 མེས་ཡིན།། ཀུན་ཏུ་བཟང་པོ་བློ་གྲོས་བཟང་།། ཐོག་མའི་སངས་རྒྱས་འོད་དཔག་མེད།། སངས་རྒྱས་ཀུན་གྱི་གཙོ་བོ་ཡིན།། ང་མེད་པ་ཡི་སྔོན་རོལ་ན།། སངས་རྒྱས་བྱ་བའི་མིང་ཡང་མེད།། ཡེ་ཤེས་བྱ་བའི་མིང་ཡང
282a6 མེད།། ཆོས་སྐུ་བྱ་བའི་མིང་ཡང་མེད།། ཆོས་ལས་གྲོལ་བའི་སངས་རྒྱས་ཡིན།། ཐིག་ལེ་ཆོས་མིན་ཡེ་ཤེས་ཀློང་།། བྱ་བཙལ་མེད་པས་རང་གྲོལ་ཡིན།། རང་བྱུང་རང་གི་འོད་སྣང་སངས།། འདས་པ་ལྔ་རུ་རྒྱས་པས།
iiif viewer powered by OpenSeadragon
