| e-texts navigator |
| Wylie |
281b1 རྒྱ་གར་སྐད་དུ། དེ་བ་ཏནྟ་རཏྣ་ཀུ་ཊ་ནཱ་མ། བོད་སྐད་དུ། ལྷ་རྒྱུད་རིན་པོ་ཆེ་སྤུངས་པ་ཞེས་བྱ་བ། དཔལ་ཀུན་ཏུ་བཟང་པོ་ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན
281b2 ཀུན་ཏུ་བཟང་པོ་ཡིས།། ཡེ་གྲོལ་ཡེ་ཤེས་རང་ལ་ཤར།། ཕྱི་ནང་མེད་པའི་ཟང་ཐལ་གནས།། ཆེན་པོ་ལྔ་ཡི་བསྟན་པ་ལ།། རང་སྣང་ཆེན་པོ་རྣམ་དག་ཡིན།། དེ་ཡང་ཐོག་མ་མེད་པའི་དུས།། གཞི་གསུམ་དབྱེར་མེད
281b3 ལྷུན་གྱིས་གྲུབ།། ཡང་དག་ཡེ་ཤེས་སྣང་བ་དང་།། དག་པ་འཇིག་རྟེན་སྣང་བ་དང་།། མ་དག་འཁྲུལ་པའི་སྣང་བ་གསུམ།། དབྱེར་མེད་ལྷུན་གྱིས་གྲུབ་པ་ཡིན།། ཡང་དག་ཡེ་ཤེས་སྣང་བ་ནི།། སྐུ་གསུམ་རང་སྣང་ལྷུན
281b4 གྱིས་གྲུབ།། དེ་ཡང་ཕྱོགས་སུ་མ་ལྷུང་རྒྱ་མ་ཆད།། དག་པ་འཇིག་རྟེན་སྣང་བ་ཡིན།། འོད་ལྔ་ལ་སོགས་ལྷུན་གྱིས་གྲུབ།། དེ་ཡང་ཕྱོགས་སུ་མ་ལྷུང་རྒྱ་མ་ཆད།། མ་དག་འཁྲུལ་པའི་སྣང་བ་ཡང་།། འགྲོ་དྲུག་ལ་སོགས
281b5 ལྷུན་གྱིས་གྲུབ།། དེ་ཡང་ཕྱོགས་ལྷུང་མེད་པ་ཡིན།། ཆོས་ཉིད་གདལ་བའི་ཕོ་བྲང་ན།། ཀུན་གཞི་སྤྱིས་མི་ཟད་གཏེར།། གཏེར་གྱི་འབྱུང་གནས་རིན་ཆེན་གླིང་།། ག་བུར་ལྟ་བུའི་གཞི་མ་ཡིན།། ཕྱོགས་མེད་ཆེན་པོའི
281b6 སྣང་བ་ཡིན།། ཞེས་གསུངས་སོ།། དེ་ནས་གསང་བའི་བདག་པོ་དེས།། བཅོམ་ལྡན་འདས་ལ་ཕྱག་འཚལ་ནས། སྤྱི་ས་དེ་ལྟར་ཡིན་པ་ལ། དེ་ལས་འཁྲུལ་པ་ཇི་ལྟར་ལགས།། ཀུན་བཟང་སངས་རྒྱས་ཇི་ལྟར
iiif viewer powered by OpenSeadragon
