| e-texts navigator |
| Wylie |
280b1 སྔགས་འདི།། སྤེལ་ན་མཁའ་འགྲོའི་ཆད་པ་འོང་།། ཕུང་སྲི་དམ་ལ་མི་གནས་པ། ཁ་ལ་ཆོས་མིན་ང་རྒྱལ་ཅན།། ཆོས་དང་མི་ལྡན་རྒྱུད་འདི་སྦ།། དམ་ལ་གནས་ཤིང་ཚུལ་འཆོས་མེད།། བྱང་ཆུབ་སྲོག་བཞིན་འཚོ་བར
280b2 བྱེད།། ཀུན་གྱི་སྙིང་དུ་དེ་སྡུག་སྟེ།། གཅིག་ནས་གཉིས་ལས་མ་སྤེལ་ཅིག། བྱང་ཆུབ་སེམས་དཔའ་ཆེན་པོ་ཉོན།། ཆོས་ཀྱི་སྒོ་མོ་བརྒྱད་ཁྲི་བཞི་སྟོང་ལ།། བསྟན་སྲུང་བརྒྱད་ཁྲི་བཞི་སྟོང་ཡོད།། ཕྱི་སྲུང་བསྙེན་བསྒྲུབ
280b3 ལས་དང་གསུམ་དུ་བསྟན་པ་ཡིན།། ནང་ལ་དྲིལ་བའི་དྲག་སྔགས་ཡིན།། གསང་བ་རྒོད་དུ་ཕྱུང་བ་འདི་ཡིན་པས།། དུག་ལྔ་འདྲ་བའི་ངན་སྔགས་འདི།། དགྲ་དང་བགེགས་སྩོགས་པར་གཅོད་བྱེད།། ཆམ་ལ་དབབ
280b4 ཕྱིར་བཟླ་ལུགས་ཀྱང་།། ཆོས་ཉིད་དོན་གྱི་བཟླས་པ་དང་། སྙིང་པོ་འཕྲོ་འདུ་དུག་སྦྱོར་བཟླས་པ་དང་། ཁམས་གསུམ་ཡོངས་སྒྲོལ་བཟླས་པ་དང་།། དཀྱིལ་འཁོར་ལྷ་ཡི་བཟླས་པ་དང་།། བསྙེན་བསྒྲུབ་ལས་ཀྱི
280b5 བཟླས་པ་དང་།། ངན་སྔགས་སྤུ་གྲི་སོ་སྡེབས་བཟླས་པ་དང་།། སྔགས་རྒོད་ཐོག་འདྲའི་བཟླས་པ་དང་།། ངན་སྔགས་མདའ་འདྲའི་བཟླས་པ་དང་།། ཕྲ་མེན་མེ་འདྲའི་བཟླས་པའོ།། ཀུན་ཀྱང་གཅིག་ལ་ཤེས་གྱུར
280b6 ན།། ཐམས་ཅད་འདུས་པའི་རྩ་བ་ཡིན།། ཆོས་ཉིད་ཀློང་གི་བཟླས་པ་ཉི་མའི་འོད་ལྟར་བཟླས།། བྱང་ཆུབ་བསྒྲུབ་དང་ལམ་ཆེན་དུ།། ཆོས་ཉིད་དོན་གྱི་བཟླས་པ་བྱ།། ཞེས་གསུངས་སོ།། ཐལ་བ་ནག་པོའི་རྒྱུད་ལས།།
iiif viewer powered by OpenSeadragon
