| e-texts navigator |
| Wylie |
27b1 ཤིང་།། ཉི་ཚེ་བྱང་ཆད་མ་ཡིན་པས།། དངོས་པོར་ཡོད་པ་ཉིད་ལས་འདས།། ང་ལ་ཆོས་དང་སེམས་མེད་པས།། སྟོང་པ་ཉིད་དུ་བདག་མི་བལྟ།། འཛིན་ཆགས་སྤྱོད་པའི་ཡུལ་ལས་འདས།། སེམས་ལས་སངས་རྒྱས
27b2 མི་འབྱུང་བས།། འཁོར་བའི་རྩ་བ་ང་མི་བསྒྲུབ།། ཆོས་ཀྱི་སྐུ་ལ་ཡུལ་མེད་པས། ཁ་དོག་ལྔ་པོས་སུ་ཞིག་བྱ།། རིག་པའི་སྐུ་ལ་རང་སྣང་བས།། ངོ་སྤྲོད་ཉི་ཤུས་སུ་ཞིག་གྲོལ།། རང་རིག་སྐུ་ལ་བལྟར་མེད་པས།། དྲི
27b3 མེད་དག་པ་ཆེན་པོའོ།། ཞེས་ནོར་བུ་ཕྲ་བཀོད་ཆེན་པོའི་རྒྱུད་ལས། སྣང་བ་ཡེ་ཤེས་སུ་སྣང་བའི་ལེའུ་སྟེ་བཅུ་གཅིག་པའོ།། །། དེ་ནས་ཡང་གསང་བའི་རིགས་རྡོ་རྗེ་མཁའ་འགྲོ་མས། རྡོ་རྗེ་འཆང་ཆེན་པོ་ལ
27b4 འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་རྡོ་རྗེ་འཆང་།། རྫོགས་པའི་སྐུ་ནི་བསམ་ཡས་ལ།། གཅིག་ཏུ་བསྡུ་བ་གསུང་དུ་གསོལ།། དེ་ནས་རྡོ་རྗེ་འཆང་ཆེན་དེས།། ཉེ་བའི་འཁོར་ལ་བཀའ་སྩལ་པ།། རྡོ་རྗེ་རིགས
27b5 ཀྱི་མཁའ་འགྲོ་མ།། བལྟ་བ་གསང་བའི་སྔགས་བརྗོད་ཀྱིས།། མ་ཡེངས་ཡིད་ཀྱིས་གུས་པས་ཉོན།། ཀྱེ་ཀྱེ་རྡོ་རྗེ་འཛིན་མའི་ཚོགས།། བྱ་བ་མི་བྱེད་བྱེད་པ་སྤང་།། བསྒྲུབ་པ་མི་བྱ་སྔགས་ཀྱི་ཚིག་མི་བཟླས།། ཆོས་ལ
27b6 མི་སྤྱད་དྲན་པའི་རྗེས་སུ་མིན།། ཡིད་ལ་མི་བྱ་རྟོག་པ་རྣམ་སྤངས་ཏེ།། རང་སྣང་གཅིག་ལས་མེད་པར་གསུངས།། སྣ་ཚོགས་སྐུ་ནི་བསམ་ཡས་ཀྱང་།། ཡེ་ཤེས་སྐུ་གཅིག་བསྟན་པ་ཡིས།། ཐམས་ཅད་རང་རིག་གྲོགས
iiif viewer powered by OpenSeadragon
