| e-texts navigator |
| Wylie |
27a1 དང་།། བཅོམ་ལྡན་ཉིད་ཀྱིས་བཀའ་སྩལ་པ།། ཉོན་ཅིག་ཡེ་ཤེས་ལྷ་མོ་ཁྱོད།། ང་ཡིས་སྣང་བའི་དོན་བསྟན་གྱིས།། སོམ་ཉི་ཡིད་གཉིས་རབ་སྤངས་ལ།། མ་ཡེངས་གུས་པའི་ཚུལ་གྱིས་ཉོན།། གསང
27a2 སྔགས་ཀུན་གྱི་ལྟ་བ་ནི།། བྱེད་པ་མ་ཡིན་བྱ་བ་མེད།། གསང་བའི་ངང་དུ་ཀུན་རྫོགས་པས། རྒྱུན་དུ་བྱེད་པ་ཡོངས་ཀྱིས་མེད།། ནང་མེད་ནང་གི་དངོས་པོ་ལས།། ཕྱི་ནང་གཉིས་ཀའི་ཕྱི་ཉིད་ནང་།། ཡོད་མེད་སྟོང་པ
27a3 ཉིད་ཡིན་པས།། རང་བཞིན་སྣང་བ་ཐད་ཀ་ལས།། ཆོས་ཀྱི་སྐུ་ནི་མུན་པ་སངས།། ཆོས་ཀྱི་སྐུ་ནི་གཅིག་ཡིན་པས།། བྱ་བྱེད་དྲི་མ་གཉིས་ལས་འདས།། རིག་པའི་སྣང་བ་རང་རྫོགས་པས།། ཆོས་ཀྱི་མེ་ལོང་བཞིན་སྣང
27a4 བས།། གསལ་བའི་འོད་ནི་སྣ་ཚོགས་འབྱུང་།། དྲི་མ་གསུམ་ལས་རབ་འདས་པས།། དཔེར་ན་ནམ་མཁའ་སྤྲིན་མེད་བཞིན།། སྣང་དང་མི་སྣང་མཐའ་ལས་འདས།། སངས་རྒྱས་ཆོས་ལ་མི་གནས་པས།། རྣམ་རྟོག་དྲི
27a5 མའི་སྐྱོན་དང་བྲལ།། སྐུ་གསུམ་རང་རྫོགས་ཆོས་ཉིད་ནི།། བྱེད་པ་མ་ཡིན་རང་སར་གྲོལ།། ཆོས་སྐུ་དྲི་མ་མི་གནས་པས།། འཛིན་མེད་ཐིག་ལེ་རྣམ་པར་དག། ཐིག་ལེ་ཉག་གཅིག་སྣང་བ་ལ།། རྟོག་པའི་ཡིད་ནི་ག
27a6 ལ་ཡོད།། དབྱིངས་ཀྱི་སྒྲོན་མའི་བརྒྱན་བཟང་ལ།། ཆོས་ཉིད་ཡུལ་གྱིས་སྣང་བ་ཤར།། སྣ་ཚོགས་སྣང་བ་བསམ་མི་ཁྱབ།། ཀྱེ་ཀྱེ་རང་སྣང་ལྷ་མོ་ཉོན།། ང་ཡི་ཆོས་ལ་ཚིག་མེད་པས།། སྟོང་པའི་ཕྱོགས་ལ་རབ་གནས
iiif viewer powered by OpenSeadragon
