| e-texts navigator |
| Wylie |
279b1 པོ་ལྟ་བུར་ཁུར།། སྟོན་འཚོང་རྐུན་བན་བཀའ་ཆད་སྤོས་སམ་གྲི་རུ་འཆི།། རྒྱལ་བ་རྒྱ་མཚོའི་བྱིན་གྱིས་བརླབས་པར་ངེས།། ཐུན་མོང་དངོས་གྲུབ་མ་བསྒྲུབས་པར་ཡང་འབྱུང་།། ས་བདག་ཀླུ་གཉེན་དག་གིས་རྡོ་རྗེ
279b2 ཁྱུད་དུ་མཐོང་།། རྟག་ཏུ་གཙུག་ཏུ་བཀུར་ཞིང་མི་ལ་བསྟན་པ་མིན།། ཟ་མ་ཏོག་གམ་ག་བུ་སྲུབས་མེད་ན།། བླུགས་ལ་དར་ཚོན་དམར་པོས་དྲིལ།། དེ་ལ་མཆོད་བསྟོད་ཡོན་ཏན་བསམ་མི་ཁྱབ།། སྔགས་སྦྲེལ་བྱིན
279b3 བརླབས་འབི་འབི་དང་།། གདབ་དང་བསྐུར་དང་རབ་གནས་རྟེན་འབྲེལ་བརྗོད་ལ་སོགས།། ཞེས་གསུངས་སོ།། ཐལ་བ་ནག་པོའི་རྒྱུད་ལས། རོའི་སྣང་བ་བརྟག་པ་དང་ཚ་ཚའི་ལེའུ་སྟེ་བཅུ་གསུམ
279b4 པའོ།། །། དེ་ནས་ཡང་དག་བཤད་བྱ་བ།། བར་ཆད་བསྲུངས་ནས་བསྟན་བསྲུང་ཕྱིར།། མཁའ་འགྲོའི་སྲོག་སྙིང་བཤད་པར་བྱ།། སྤྱི་བསྡོམས་སྲོག་དང་སྙིང་པོ་དང་།། རང་རང་སྙིང་པོ་སྲོག་དང་དྲག
279b5 སྔགས་གསུམ།། དེ་ཉིད་བདག་གིས་བཤད་པར་བྱ།། གྲོ་ག་དག་ལ་བྲིས་ནས་ནི།། དཀྱིལ་འཁོར་འཁོར་ལོ་རྩིབས་བཞི་སྒོ་དང་བཅས།། དབུས་སུ་གྲུ་གསུམ་མཐིང་ནག་ལ།། དཔངས་སུ་ཆག་གང་བརྩིག་པར
279b6 བྱ།། རྡོ་སོལ་རོ་སོལ་ནག་པོར་བྱུག། དེ་ནང་ཐོད་པ་ཁ་སྦྱར་དུ་སྩལ་ཏེ།། དུག་ཐུན་དག་གིས་བྲབས་བྱས་པས།། སྨྱོ་འབོག་དྲག་པོས་འཆི་བར་བཤད།། ཞེས་གསུངས་སོ།། ཡང་ན་སྣརེལ་གྲིའི་ཐོད་པ་རུ། ཁྲག་དང
iiif viewer powered by OpenSeadragon
