| e-texts navigator |
| Wylie |
272b1 ཆོམས་སྙམ་བྱེད་པ།། སྙམ་བྱེད་རྟོག་པ་སླར་ལ་ཆེ།། མཆོག་གི་སྤྱོད་པ་འདི་ཡིན་ཏེ།། གཞི་མོའི་དོན་ལ་སྤྱོད་ཤེས་ན།། ཐམས་ཅད་མ་ལུས་དུས་གཅིག་ན།། དགོངས་པ་མ་ལུས་གཅིག་ཏུ་རྟོགས།། སྤྱོད་པས་རྟོགས་ཏེ
272b2 དགོངས་པ་ཤར།། རང་ཤར་ཆོས་སྐུ་སྤྱད་རྟོགས་ཤར།། བཀག་སྦྱངས་རྣམ་རྟོག་སངས་རྒྱས་གང་།། རྒྱུད་དག་ཕྱིར་ན་འབྲས་བུ་མེད།། བསྒྱུར་ནས་འབྲས་བུ་ཐོབ་ཅེ་ན།། ཕོ་བསྒྱུར་མོར་བསྒོམས་མོར་འགྲོ།
272b3 ཡི།། བརྟགས་པས་རྟོགས་ཏེ་ཐེ་ཚོམ་ཆོད།། བློ་ཉིད་དོན་སྤྱད་དོན་རྟོགས་ནས།། བློ་ཉིད་དོན་ལྟར་ཤར་བ་ཡིན།། དོན་དང་རིག་པ་དབྱེར་མི་ཕྱེད།། རིག་པ་ཡེ་ཡིན་ཡེ་ཤེས་ཆེན་པོར་རྟོགས།། བྱེ་མ་མར་བཙིར་རྡོ་ལ
272b4 གསེར་དུ་བསྒོམ་པ་དང་། ཁ་གསགས་སྤྱི་བརྟོལ་ཚུལ་འཆོས་གཞོག་ངོམ་མཁན།། མུན་པ་མོན་པའི་ཁོང་སྙིང་ཅན།། འཚུལ་ཆོས་སློབ་དཔོན་རྒྱལ་པོ་ལྟར་འཆོས་པ།། མ་བསྟན་སྟོན་ན་དམྱལ་བར་ཐོང་།། ཞེས
272b5 གསུངས་སོ།། ཐལ་བ་ནག་པོའི་རྒྱུད་ལས། སྤྱོད་པའི་རོ་བསྲེག་པའི་ལེའུ་སྟེ་བཞི་པའོ།། །། དེ་ནས་ཡང་དག་བཤད་བྱ་བ།། ལོངས་སྐུའི་བདག་པོ་ཆེན་པོ་ཉོན།། འབྲས་བུའི་དོན་ལ་རྣམ་གསུམ་སྟེ།། སེམས
272b6 ཉིད་སྟོང་བསྒོམ་སྦྱང་བ་ཡིས།། འབྲས་བུ་བསྐལ་པ་བདུན་གསུམ་ན།། ཀུན་ཏུ་འོད་དུ་འགྲོ་བར་འདོད་པའོ།། བསྐྱེད་རྫོགས་བསྒོམས་སྤྱད་འབྲས་བུ་ཡིས།། ཚེ་བདུན་ལྔ་དང་ཚེ་གཅིག་གིས།། བཅུ་བཞི་བཅོ་ལྔ་བཅུ
iiif viewer powered by OpenSeadragon
