| e-texts navigator |
| Wylie |
271a1 ལོངས་སྐུའི་ཀུན་ཏུ་བཟང་པོ་ཡིས། བྱིན་ཆེན་ཀུན་ཏུ་བཟང་པོ་ལ།། ལྟ་བ་སྒོམ་པ་སྤྱོད་པ་དང་།། འབྲས་བུའི་དོན་རྣམས་གསུང་བར་ཞུ།། ཞེས་ཞུས་སོ།། ཐལ་བ་ནག་པོའི་རྒྱུད་ལས། གླེང་གཞིའི
271a2 ལེའུ་སྟེ་དང་པོའོ།། །། དེ་ནས་ཡང་དག་བཤད་བྱ་བ།། ལོངས་སྐུའི་གཙོ་བོ་ཆེན་པོ་ཉོན།། སངས་རྒྱས་རྣམ་ལྔའི་གཙོ་བོ་ཁྱོད་ཉོན་ཅིག། ལྟ་བའི་དོན་ལ་བསམ་མི་ཁྱབ།། བསྡུ་ན་རྣམ་པ་བཞི་རུ
271a3 འདུས།། ལོག་ལྟ་དག་དང་ཐུན་མོང་དང་། ཁྱད་པར་མཆོག་དང་རྣམ་པ་གསུམ།། བརྟགས་ན་ཕྱི་མ་མེད་པ་དང་།། བརྟགས་ན་རྒྱུ་འབྲས་བརྟགས་པ་ནི།། ལོག་པའི་ལྟ་བ་ཡིན་པར་ཤེས།། ཐུན་མོང་ལྟ་བ་སེམས་ཉིད
271a4 དེ།། དེ་དང་གཅིག་ཏུ་སྟོང་བལྟའོ།། ཁྱད་པར་ལྟ་བ་བསྟན་པ་ནི།། དོན་དམ་སྐྱེ་བ་མེད་པའོ།། མཆོག་གི་ལྟ་བ་བསྟན་པ་ནི།། གཞི་ཤེས་པས་ནི་ལྟ་བའི་མཆོག། སེམས་ཉིད་མ་སྐྱེས་དུས་ཉིད་ན།། ལྟ་བ་ཆེན་པོའི་གཞི
271a5 མ་ཡིན།། དེ་ཡི་གོང་ན་མེད་པའི་ཕྱིར།། ལྟ་བའི་གོང་གཅོད་ཆེན་པོ་ཡིན།། དེ་བསྟན་ལྟ་བ་རྣམས་འདྲལ་བས།། གཅོད་འདྲལ་ཆེན་པོ་ཞེས་བྱའོ།། དེ་མེད་པ་ཡི་སྔོན་རོལ་ན།། ལྟ་བའི་གནས་ལུགས་མེད་པ་ཡིན།།
271a6 ཁས་ལེན་ལྟ་བ་ཡོངས་གཅོད་མཁན།། དེ་མེད་ཡོངས་སུ་གཅོད་པ་མེད།། ཐེག་པའི་གཞི་མ་ཆེན་པོ་འདིས།། གྲུབ་མཐའ་ཆམ་ལ་འབེབས་པར་བྱེད།། ལྟ་བའི་རྒྱལ་པོ་ཀུན་ཁྱབ་འདིས།། ལྟ་བ་ཚམས་ལ་འབེབས
iiif viewer powered by OpenSeadragon
