| e-texts navigator |
| Wylie |
270b1 རྗེ་ཆོས་ཀྱི་བློ་གྲོས་སྡུད་པ་པོ་མཁའ་འགྲོ་མ་ཉི་མའི་འོད་ཟེར་ཅན་གྱིས་བསྡུས་པ། ལྷ་མ་ཡིན་གཡུལ་ངོ་ཟློག་པའི་རྒྱུད་ལས། རྒྱས་བཏབ་པའི་ལེའུ་སྟེ་སུམ་ཅུ་པའོ།། །། ལྷ་མ་ཡིན་གཡུལ་བཟློག་འབྱུང་པོ
270b2 ཀུན་འདུལ་ཆོས་ལས་འདས་པའི་རྒྱུད་རྫོགས་སོ།། ། @#།། ཨོ་རྒྱན་སྐད་དུ།། བོ་ལ་ཀར་རྣ་ཤ་རི་ར་ན་ཏན་ཏྲ། རྒྱ་གར་སྐད་དུ། ཀུ་ཎ་པོ་ཥི་ཏ་བྷ་སྨི་ཀ་ལ་སརྦ་པཱུརྞྞ་ས་མུ་དཱ་ཡ་ཏནྟ་རཱ་ཛ་ནཱ
270b3 མ། བོད་སྐད་དུ། རོ་བསྲེག་ཐལ་བ་ནག་པོ་ཐམས་ཅད་རྫོགས་པར་འདུས་པའི་རྒྱུད་ཀྱི་རྒྱལ་པོ་ཞེས་བྱ་བ། དཔལ་ཀུན་ཏུ་བཟང་པོ་ལས་ཀྱི་མངའ་བདག་ཆེན་པོ་ལ་ཕྱག་འཚལ་ལོ།། འདི་སྐད་བདག་གིས་ཐོས་པའི
270b4 དུས་གཅིག་ན། རྣམ་པར་དག་པའི་ཞིང་ཁམས་ཆེན་པོའི་གནས། རང་བཞིན་ཐིག་ལེ་རྟོགས་པའི་དུས་ཉིད་ན། ཟེར་དང་རྩལ་དང་ལོངས་སྐུ་དང་། བྱང་ཆུབ་སེམས་དཔའ་ཀུན་ཏུ་བཟང་པོ་དང་། འཇམ་དཔལ་སྤྱན
270b5 རས་གཟིགས་དབང་མི་གཡོ་མགོན་པོ་དང་། ཆོས་སྐུའི་ཟེར་དང་རྩལ་དང་ནི། ལོངས་སྐུ་བྱང་ཆུབ་སེམས་དཔའ་སྟེ། བསྡུ་ན་ཆོས་སྐུ་ལོངས་སྐུ་བྱང་ཆུབ་སེམས་དཔའ་དང་། རྒྱུ་དང་གཞི་ཡིས་ཐམས་ཅད་ཁྱབ་པ་ཡིན།།
270b6 དག་དང་མ་དག་སྣང་བ་གསུམ་དུ་འདུས་པ་ཡིན།། གཞི་ལམ་འབྲས་བུ་མ་ལུས་འདུས་པར་བསྟན།། དག་དང་མ་དག་འཁོར་གྱིས་བསྡུས་པ་ཡིན།། ཞེས་བྱིན་གྱིས་རླབས་ཀྱིས་གསུངས་སོ།། དེའི་ཚེ་དེའི་དུས་ཉིད་ནི
iiif viewer powered by OpenSeadragon
