| e-texts navigator |
| Wylie |
270a1 བྱེད་དམ། བསྒོམས་ཟིན་ནམ། བསྒོམ་པ་བྱས་པས་སངས་རྒྱའམ།། ཀྱེ་རིགས་ཀྱི་བུ་ཉོན་ཅིག་ཁྱོད་རྡོ་རྗེ་ཆོས་ཀྱི་བློ་གྲོས་ཀྱང་། བསྒོམས་སམ་སྒོམ་པར་བྱེད་དམ། བསྒོམས་ཟིན་ནམ། བསྒོམས་ནས
270a2 སངས་རྒྱའམ།། ཀྱེ་རིགས་ཀྱི་བུ་ཉོན་ཅིག། མ་འོངས་པའི་སངས་རྒྱས་རྣམས་ཀྱང་། བསྒོམས་ནས་སམ། སྒོམ་པ་བྱེད་དམ། བསྒོམས་ཟིན་ནམ། བསྒོམས་པས་སངས་རྒྱ་བར་མི་འགྱུར་རམ། ཅིའི་ཕྱིར་ཞེ་ན། ལས
270a3 འཕྲོ་དང་བཅས་པའི་ཕྱིར་རོ།། ལྟ་སྤྱོད་ལས་འཕྲོ་བཅས་པའི་ཕྱིར་རོ།། མ་བཅོས་མ་བསླད་མ་བསྒྲིབས་ན། འབྲས་བུ་དུས་མིན་ཆེན་པོ་ཡིན།། དུས་ལྟོས་སངས་རྒྱས་འབྱུང་མི་འགྱུར།། ཞེས་གསུངས་སོ།། ལྷ་མ་ཡིན
270a4 གཡུལ་ངོ་ཟློག་པའི་རྒྱུད་ལས། གདམས་པ་རང་བྱུང་དུ་བསྟན་པའི་ལེའུ་སྟེ་ཉེར་དགུ་པའོ།། །། དེ་ནས་ཡང་དག་བཤད་བྱ་བ།། རྡོ་རྗེ་ཆོས་ཀྱི་བློ་གྲོས་ཉོན།། ང་ཡི་གདམས་པ་འདི་ནི་སངས་རྒྱས་ངོ་སྤྲོད།།
270a5 འཁོར་བའི་གཡུལ་བཟློག། འབྱུང་པོ་ཀུན་འདུལ་ཞེས་བྱའོ།། འདི་ནི་བློ་ལ་རྣོ་བརྟུལ་མེད་དོ།། དུས་ལ་སྔ་ཕྱི་མེད། ཟོས་པ་ལ་ཆེ་ཆུང་མེད། མ་བསྙད་པར་ཐམས་ཅད་ལ་བྱན་ཆུད་པ། མ་བལྟས་པའི་རང་སྒོ། མ
270a6 བསྒོམས་པའི་ཉམས། མ་སྤྱད་པར་ཐག་ཆོད། མ་བསྒྲུབས་པར་གྲུབ་པ། མ་སྤངས་པའི་རང་གྲོལ་ཞེས་བྱའོ།། འདི་ནི་རྡོ་རྗེ་བློ་གྲོས་ཀྱི་ཐུགས་ཀར་སྦའོ།། ཞེས་རྒྱས་བཏབ་པོ།། སྟོན་པ་ཀུན་ཏུ་བཟང་པོ།། ཞུ་བ་པོ་རྡོ།
iiif viewer powered by OpenSeadragon
