| e-texts navigator |
| Wylie |
26b1 བ།། འཛིན་མེད་ངང་དུ་རང་རིག་གསལ།། སྤྲོས་པ་མེད་པའི་ཆོས་དབྱིངས་ལས།། འཛིན་ཆགས་མེད་པའི་འོད་སྣང་བས།། བལྟ་བ་མེད་པའི་ལྟ་བ་ཡིས།། ཕྱོགས་རིས་མེད་པའི་ངང་དུ་འུབ།། རང་བྱུང་དགོངས་པའི
26b2 བཞག་པས་ནི། དུ་མ་རང་གྲོལ་དང་དུ་འུབ།། རྫོགས་པ་ཆེན་པོའི་རིག་པ་ནི།། མགོན་པོ་དྲི་མ་མེད་པ་ལས།། མཐའ་ཡི་མུན་པ་རང་རིག་སངས།། ཆོས་ཉིད་གསུང་གི་རོལ་པ་ལས།། རྡུལ་མེད་དྲི་མ་རང་སར
26b3 གྲོལ།། སྐུ་ནི་སྣ་ཚོགས་དག་པས་ན།། སྐུ་གསུང་ཐུགས་ཀྱི་དཀྱིལ་འཁོར་རྫོགས།། དོན་དམ་བསམ་ཡས་ལྷུན་གྲུབ་པས།། ཆོས་ཀྱི་སྐུ་ཡི་རྒྱུ་ཉིད་ལས།། སེམས་ཅན་ཀུན་གྱི་རང་ལུས་རྫོགས།། ཆོས་ཉིད་གསལ་བའི
26b4 གསལ་ལམ་ལས།། རིག་པའི་སྐུ་ལ་འདུ་འབྲལ་མེད།། བྱེད་པའི་རྒྱུ་ནི་གཉིས་ལྟར་སྣང་།། སྣང་བའི་རྒྱུ་ནི་གཅིག་ལས་མེད།། དྲི་མེད་དག་པའི་སངས་རྒྱས་ལ།། རྒྱུ་མཐུན་ཉིད་དུ་བྱ་བ་མིན།། སྤྲོས་མེད་ཚིག་ནི
26b5 སྣ་ཚོགས་རྫོགས།། སེང་གེ་རྩལ་རྫོགས་ཆེན་པོ་ཡི།། ལྟ་སྟངས་ཆེན་པོར་བཤད་པའོ།། ཞེས་ནོར་བུ་ཕྲ་བཀོད་ཆེན་པོའི་རྒྱུད་གསང་བ་ལས། རྫོགས་ཆེན་ལྟ་སྟངས་བསྟན་པའི་ལེའུ་སྟེ་བཅཝ
26b6 པའོ།། །། དེ་ནས་ཡང་ལྷ་མོ་རྨ་བྱའི་མགྲིན་ཅན་གྱིས་འདི་སྐད་ཅེས་གསོལ་ཏོ།། ཀྱེ་ཀྱེ་སྟོན་པ་བཅོམ་ལྡན་རྡོ་རྗེ་འཆང་།། རང་རིག་གནས་ལུགས་གསུང་དུ་གསོལ།། དེ་སྐད་རབ་ཏུ་ཞུས་པ
iiif viewer powered by OpenSeadragon
