| e-texts navigator |
| Wylie |
26a1 ངང་ལ་ཅིར་ཡང་གསལ།། དུ་མ་ཅིག་ཆར་རྫོགས་པས་བདེ།། རང་སྣང་ཐབས་ཀྱི་རྒྱན་དུ་སྣང་།། སྐུ་གསུང་ཐུགས་ཀྱི་ཡེ་ཤེས་ནི།། མཚོན་བྱེད་སྤྲོས་པ་མེད་པས་ན།། གནས་པའི་དུས་ན་སྐུ་ལྟར
26a2 གནས།། འཆར་བའི་དུས་ན་ཡེ་ཤེས་ཏེ།། རྒྱུན་དུ་སྣང་ལུགས་དེ་བཞིན་ནོ།། དེ་ཡང་སྣང་ལུགས་སྐུ་ཡི་དབྱིབས།། གཅིག་དང་གཉིས་སུ་བལྟ་བ་ལ།། རང་རྫོགས་སྣང་བ་ཆེན་པོ་ནི།། བདག་གཞན་གཉིས་ཀྱི་མཐའ
26a3 འདས་ནས།། རིག་པ་མ་དང་ཕྲད་པའི་རྟགས།། ཡེ་ཤེས་རྒྱུན་གྱི་དམ་ཚིག་ནི།། རྟག་པར་སྣང་བ་ཐམས་ཅད་ཀུན།། མ་བཅོས་ཆོས་ཀྱི་དབྱིངས་སུ་བལྟ།། ཀ་དག་དྲི་མ་མེད་པའི་རིག་པ་ནི།། སྐུ་ལས་ཡང་དག
26a4 དབྱིངས་སུ་ཐིམ།། རིག་པའི་མེ་ལོང་བལྟ་ཤེས་ན།། ཆོས་ཉིད་དབྱིངས་སྣང་མ་འགགས་གསལ།། རིག་པའི་སྐུ་ཉིད་བལྟ་འདོད་ན།། དྲི་མ་སངས་པའི་ནམ་མཁར་ལྟོས།། རྐྱེན་ཉིད་རང་དུ་བལྟ་འདོད་ན།། མཐའ
26a5 ཡས་སྐུ་ཡི་ཀློང་དུ་ལྟོས།། འཕྲོ་ཞིང་འདུ་མེད་བལྟ་འདོད་ན།། ཆོས་ཀྱི་དབྱིངས་ཀྱི་རྒྱན་ལ་ལྟོས།། རང་བཞིན་གཟུགས་བརྙན་བལྟ་འདོད་ན།། དྲི་མེད་དབྱིངས་རིག་གཉིས་ལ་ལྟོས།། སྐུ་ཡི་འོད་ཟེར་བལྟ་འདོད
26a6 ན།། བྱ་བྱེད་མེད་པའི་ངང་དུ་ལྟོས།། དེ་ནི་རྫོགས་ཆེན་ལྟ་སྟངས་སོ།། དེ་ནས་ཡང་དག་ངེས་པའི་ལུང་།། འདི་ཉིད་དོན་གྱིས་བཀྲོལ་ཏེ་གསུངས།། རང་བཞིན་ཉིད་ཀྱི་སྣང་བ་ལས།། ངོ་བོ་ཉིད་ཀྱི་སྐུར་ཤར
iiif viewer powered by OpenSeadragon
