| e-texts navigator |
| Wylie |
269b1 མ་ཡིན་ཏེ།། སྦྲུལ་སྐུས་འགྲོ་བ་འདུལ་ཕྱིར་དུ།། བལྟ་བསྒོམ་སྤྱོད་པ་འབྲས་བུ་རྣམས།། དྲང་བའི་དོན་དུ་གསུངས་པ་ཡིན།། གདམས་པ་འདི་ལྟར་ཤེས་པར་བྱ།། ཀྱེ་གྲོགས་པོ་བྱང་ཆུབ་འདོད་པ་དེ་ལ་བྱང་ཆུབ་མེད།།
269b2 འདོད་པས་བྱང་ཆུབ་ཆེན་པོ་བསྒྲིབས། གྲོལ་སྒྲིབ་ལོགས་ན་མེད་དེ་རང་གིས་རང་ལ་བསྒྲིབས།། རང་གིས་བསྒྲིབས་པས་གཞན་པས་བསལ་དུ་མེད།། ཡེ་ལྷ་ཆེན་པོ་གདེང་གི་གནད་མེད་ན།། ཕྱོགས་ལྟོས་ལྟ་བས
269b3 དོན་མི་མཐོང་།། ཡེངས་པ་མེད་པ་སྒོམ་པའི་གནད་མེད་ན།། ཏིང་འཛིན་མ་ཡེངས་སྒོམ་པས་སངས་མི་རྒྱ།། ཡེ་གྲོལ་ཆེན་པོ་སྤྱོད་པའི་གནད་མེད་ན།། ཕྱོགས་རེ་ལམ་དུ་བྱས་པས་གདེང་མི་རྙེད།། རང་གནས་ཆེན
269b4 པོའི་འབྲས་བུའི་གདེང་མེད་ན།། ཐབ་འདོད་དུས་ལ་ལྟོས་པས་སངས་མི་རྒྱ།། གནད་བཞིས་དྲས་ཐག་ཆོད་ཙམ་ན།། ང་རྒྱལ་མེད་པའི་ཡིད་ཆེས་འཆར།། མཚན་མ་རང་སར་གྲོལ་བའི་ཕྱིར།། འདོད་པ་མེད་པའི་དོན
269b5 རྟོགས་འཆར།། སྐུ་གསུམ་རང་ལ་ཤར་བའི་ཕྱིར།། མ་བསྒོམས་པ་ཡི་ཉམས་ཆེན་འབྱུང་།། རང་བྱུང་ཟད་ཐལ་ཡོད་པའི་ཕྱིར།། ཡུལ་མེད་པ་ཡི་ཐུགས་རྗེ་འབྱུང་།། སྐུ་གསུམ་ཞིང་ཁམས་ཕྱོགས་མེད་ཕྱིར།། ཀྱེ་རིགས
269b6 ཀྱི་བུ་གཞི་བསྒོམས་སམ། སྒོམ་པར་བྱེད་དམ། བསྒོམས་ཟིན་ནམ། བསྒོམས་ནས་སངས་རྒྱས་སམ། ཀྱེ་རྒྱལ་བའི་སྲས་པོ་དེ་ལྟར་མ་བསྟན་ནོ།། ང་རང་བྱུང་གི་ཀུན་ཏུ་བཟང་པོས་ཀྱང་། བསྒོམས་སམ། སྒོམ་པར
iiif viewer powered by OpenSeadragon
