| e-texts navigator |
| Wylie |
269a1 དབབ་པའི་ལེའུ་སྟེ་ཉེར་བརྒྱད་པའོ།། །། དེ་ནས་ཡང་དག་བཤད་བྱ་བ།། ཉོན་ཅིག་རྡོ་རྗེ་ཆོས་ཀྱི་བློ་གྲོས་ཁྱོད།། གདམས་པ་མཐར་ཐུག་བཤད་པར་བྱ།། ཐོག་མ་གཞི་ཡི་གནད་མེད་ན།། ལོང
269a2 བས་ལོང་བ་ཁྲིད་པ་འདྲ།། འཁྲུལ་པའི་ལམ་གྱི་གནད་མེད་ན།། རྒྱུས་མེད་བྱང་ཐང་ལུས་པ་འདྲ།། དངོས་པོ་རང་གྲོལ་གནད་མེད་ན། ཁྱི་རྒན་ལྟ་བ་མུ་རབ་འདྲ།། གཞི་ལས་གྲོལ་བའི་གནད་མེད་ན།། རྒྱ་མཚོའི
269a3 གཏིང་གི་ལུ་མ་འདྲ།། ཐུགས་རྗེ་འབྱུང་ལུགས་གནད་མེད་ན།། ཐམས་ཅད་བྲག་ཕུག་བྱང་བལྟས་འདྲ། ཀྱེ་རིགས་ཀྱི་བུ་ཁྱོད་ཉོན་ཅིག། གཞི་ཡི་བསྒོམ་པ་བལྟ་བ་དང་།། སྤྱོད་པ་འབྲས་བུ་མ་ཤེས་པས།། སྦྲུམ་མའི་བུ
269a4 ལ་མིང་བཏགས་པས།། མིང་མེད་མ་ལྷོའི་བུ་དང་འདྲ།། ཐམས་ཅད་རྫོགས་པས་ལྗོན་ཤིང་འདྲ།། ཐམས་ཅད་ཚང་བས་ནོར་བུ་འདྲ།། ཨེ་མའོ།། ཀུན་ཏུ་བཟང་པོའི་སྤྲུལ་པའི་ཚེ།། སྣང་བ་མ་འགགས་རྒྱན་དུ
269a5 ཤར།། རང་ཤར་སྟོན་པ་སྤྲུལ་པའི་སྐུ།། སྐུ་གསུམ་དགོངས་པ་ཁོ་ན་ཤར།། བལྟ་བསྒོམ་སྤྱོད་པ་འབྲས་བུ་རྣམས།། ལུང་དུ་མ་བསྟན་རང་སངས་རྒྱས།། སངས་རྒྱས་སྒྲིབ་པ་ལྟ་སྒོམ་དང་།། སྤྱོད་པ་འབྲས་བུ་ལྟོས་པའི
269a6 ཆོས་ཅན་གྱིས།། ལྟོས་པས་འབྲས་བུ་རང་དག་བསྒྲིབས།། ལོངས་སྐུ་ཆོས་ཀྱི་བློ་གྲོས་ཁྱོད།། བལྟ་བསྒོམ་སྤྱོད་པས་སྒྲིབ་པ་ཆེ།། འབྲས་བུ་དུས་ལྟོས་ཤིན་ཏུ་གོལ།། དེ་ཡང་སྦྲུལ་སྐུ་བལྟ་བསྒོམ་དང་།། སྤྱོད་པས་བྱ་བ
iiif viewer powered by OpenSeadragon
