| e-texts navigator |
| Wylie |
268a1 ལིའི་དབང་ཐོབ་ན།། གཟུགས་སྐུ་གཉིས་ཀྱི་དགོངས་པ་འཆར།། དེ་ཡི་བྱིན་བརླབས་སྦྲུལ་སྒྲ་འབྱུང་།། འཁྲུལ་ལུགས་ཨཱ་ལི་ཀ་ལི་གཉིས།། ཐབས་དང་ཤེས་རབ་དབང་མཆོག་ཐོབ།། གཞི་གནས
268a2 ལི་ཀ་ལིའི་དབང་བསྐུར་ན།། བུམ་པའི་དབང་མཆོག་ཐོབ་པར་འགྱུར།། དངོས་པོ་ཨཱ་ལི་ཀ་ལིའི་དབང་བསྐུར་ན།། གསང་བ་ཡེ་ཤེས་དབང་ཐོབ་འགྱུར།། རང་བྱུང་ཨཱ་ལི་ཀཱ་ལིའི་དབང་བསྐུར་ན།། ཚིག་དབང་རིན
268a3 ཆེན་དབང་ཐོབ་འགྱུར།། ཞེས་གསུངས་སོ།། ཨཱ་ལི་ཀཱ་ལི་ཟབ་ཏུ་བསྟན།། འཇིག་རྟེན་ཡོངས་ཀྱི་སྤྱོད་པ་ལ།། སངས་རྒྱས་དགོངས་པ་ཕྱོགས་མེད་འཆར།། དབང་མཆོག་རྒྱལ་པོ་རིག་པའི་དབང་།། དེ་ཡི་དབང
268a4 མཆོག་ཐོབ་པ་ཡིས།། སངས་རྒྱས་སེམས་ཅན་གཉིས་སུ་མེད། ཁམས་གསུམ་སེམས་ཅན་འཇིག་རྟེན་ཀུན།། དམྱལ་བའི་གནས་ཀྱང་ཐིག་ལེར་བརྡལ།། མ་བགྲོད་པ་རུ་རང་སར་སླེབས།། མ་བསྒྲུབས་ལྷུན་གྱིས
268a5 གྲུབ་པའོ།། ཐ་དད་མ་ཡིན་དབྱེ་བ་མེད།། དབང་བསྐུར་བླ་མ་སངས་རྒྱས་ལ།། དབང་སྣོད་སློབ་མས་མཉེས་པར་བྱ།། ཐམས་ཅད་མཉམ་པ་ཉིད་ཀྱི་སྐུ།། བདེ་བ་ཆེན་པོ་ཆོས་ལས་འདས།། ཟང་ཐལ་ཤར་བས
268a6 གཉེན་པོ་གྲོལ།། ཞེས་གསུངས་སོ།། ལྷ་མ་ཡིན་གཡུལ་ངོ་བཟློག་པའི་རྒྱུད་ལས། དབང་བསྐུར་རྒྱལ་པོའི་ལེའུ་སྟེ་ཉེར་བདུན་པའོ།། །། དེ་ནས་ཡང་དག་བཤད་བྱ་བ།། ཉོན་ཅིག་རྡོ་རྗེ་ཆོས་ཀྱི་བློ་གྲོས
iiif viewer powered by OpenSeadragon
