| e-texts navigator |
| Wylie |
267b1 བ་ཡེ་ཤེས་བུམ་པའི་དབང་།། ཕྱི་ནང་གསང་བ་སྦས་པའི་དབང་།། སྦས་པའི་དབང་ནི་བཤད་པར་བྱ།། དེ་ལ་རིག་པ་རྩལ་གྱི་དབང་།། ཚིག་དབང་རིན་པོ་ཆེ་ལས་བྱུང་།། ལྟ་བ་རིག་པ་རང་རྩལ་དབང་།། སྡུག
267b2 བསྔལ་དབང་དུ་སྡུད་པར་བྱེད།། སྒོམ་པ་རིག་པ་རང་རྩལ་དབང་།། ཆགས་སྡང་རྒྱུད་ལ་ཞི་བར་བྱེད།། སྤྱོད་པ་རིག་པ་རང་རྩལ་དབང་།། ཀུན་སྤྱོད་དུག་ལྔ་ཞི་བར་བྱེད།། འབྲས་བུ་རིག་པ་རང་རྩལ་དབང་།། ཉོན
267b3 མོངས་རང་སར་གྲོལ་བར་བྱེད།། ཡོན་ཏན་རིག་པ་རང་རྩལ་དབང་།། འགྲོ་དྲུག་རང་སར་གྲོལ་བར་བྱེད།། ཕྲིན་ལས་རིག་པ་རང་རྩལ་དབང་། ཁམས་གསུམ་འཁོར་བ་རྩ་བ་གཅོད།། དབང་མཆོག་བརྩེགས་པའི
267b4 རྩེ་ཡོད་ན།། བྱིན་རླབས་ནུས་པ་སྣ་ཚོགས་འཆར།། དབང་མཆོག་གདམས་པའི་གནད་ཆོད་ནས།། འཁོར་བའི་སྣང་བ་ཆོས་སྐུར་བརྡལ།། ཕྱི་ནང་མེད་པའི་བྱིན་ཆེན་ཕེབས།། ཨཱ་ལི་ཀ་ལིའི་དབང་ཐོབ་ན།། གཟུང
267b5 འཛིན་དྲི་མ་རང་སར་དག། སྤྱི་སའི་ཨཱ་ལི་ཀཱ་ལི་ཡི།། དངོས་གཞི་གཉིས་ཀྱི་དབང་བསྐུར་ན།། ཡེ་ཤེས་སྤྱི་བླུགས་དབང་ཆེན་ཐོབ།། འཁྲུལ་པ་ཨཱ་ལི་ཀ་ལིའི་དབང་།། རང་བྱུང་ཡེ་ཤེས་དབང་བསྐུར་ན།། ཀུན་ཏུ
267b6 བཟང་པོའི་དགོངས་པ་ཐོབ།། དངོས་པོ་ཨཱ་ལི་ཀ་ལིའི་དབང་།། དེ་བསྐུར་དགའ་རབ་རྡོ་རྗེའི་དགོངས་པ་ཐོབ།། ལྡོག་ཐབས་ཨཱ་ལི་ཀ་ལིའི་དབང་ཐོབ་ན།། རྡོ་རྗེ་སེམས་དཔའི་དགོངས་པ་ཐོབ།། ཐུགས་རྗེ་ཨཱ་ལི་ཀ།
iiif viewer powered by OpenSeadragon
