| e-texts navigator |
| Wylie |
264b1 གྲོང་ཁྱེར་ཆོམས་པར་འགྱུར།། གསང་བའི་གྲོང་ཁྱེར་ཆོམས་ཙམ་ན།། འགྱུ་བ་འོང་བ་འགྱུས་མེད།། ཡེ་ཤེས་འབའ་ཞིག་ལས་བྱུང་བ།། དེ་ལ་དེ་བསྟན་དེ་ཡང་ཐོབ།། ཅེས་གསུངས་སོ།། ལྷ་མ་ཡིན་གཡུལ་ཟློག་གི
264b2 རྒྱུད་ལས། རྒྱུད་དྲུག་གི་གྲོང་ཁྱེར་གཞོམ་པའི་ལེའུ་སྟེ་ཉེར་གཉིས་པའོ།། །། དེ་ནས་ཡང་དག་བཤད་བྱ་བ།། ཉོན་ཅིག་རྡོ་རྗེ་ཆོས་ཀྱི་བློ་གྲོས་ཁྱོད། ཁམས་གསུམ་རྩད་ནས་གཅོད་པ་བསྟན་པར་བྱ། ཁམས
264b3 གསུམ་ཁམས་གསུམ་ཞེས་བྱ་བ།། འདོད་ཁམས་གནས་རིས་ཉི་ཤུ་དང་།། གཟུགས་ཁམས་གནས་རིས་བཅུ་བདུན་དང་།། གཟུགས་མེད་སྐྱེ་མཆེད་མུ་བཞི་ནི།། དེ་ནི་ཐུན་མོང་ཁམས་གསུམ་ཡིན། ཁྱད་པར་ལུས
264b4 ངག་ཡིད་གསུམ་ཡིན།། མཆོག་གི་ཁམས་གསུམ་པར་དོ་ལ།། ངོ་སྤྲོད་རྣམ་གསུམ་ཤེས་པར་བྱ།། དེ་ལ་ཁམས་གསུམ་ངོ་སྤྲོད་ནི།། དང་པོ་ཁམས་གསུམ་གཞི་ས་གཅེས། ཁམས་གསུམ་གཞི་མ་མ་རྟོགས་ན། ཁམས
264b5 གསུམ་རྩད་ནས་གཅད་ཐབས་མེད། ཁམས་གསུམ་རྩད་ནས་གཅོད་པ་ལ།། ཕྲ་རགས་ཁམས་གསུམ་འཁྲུལ་པ་ནི།། གཞི་དང་དངོས་པོ་འཁྲུལ་པ་གསུམ།། ལྡོག་ཐབས་ས་མཚམས་མ་ཤེས་ན།། འགྲོ་དྲུག་རང་གྲོལ
264b6 ཤིན་ཏུ་དཀའ།། དགེ་བཅུ་རང་སར་གྲོལ་བའི་ཕྱིར།། དངོས་པོ་གཏན་ལ་མ་ཕེབས་ན།། ངེས་ཤེས་སྐྱེ་བ་ཤིན་ཏུ་དཀའ།། འཁྲུལ་པ་གཏན་ལ་མ་ཕེབས་ན།། རང་གྲོལ་ས་མཚམས་ཤིན་ཏུ་དཀའ།། འབྲས་བུ་གཏན
iiif viewer powered by OpenSeadragon
