| e-texts navigator |
| Wylie |
263b1 ཁམས་གསུམ་འཁོར་བ་གཅིག་གིས་ཁྱབ།། གཅིག་གི་རྩ་བ་ཆོད་ཙམ་ན།། ཤེས་རྟོགས་དུས་གཅིག་ཤར་བ་ཡིན།། ཤེས་པས་སྲིད་གསུམ་སྐྱེ་གནས་མེད།། འཇིག་རྟེན་སྣང་བ་བསམ་ཡས་པ།། ཕྱོགས་བཅུའི་འཇིག
263b2 རྟེན་ཞེས་སུ་གྲགས།། ཕྱོགས་བཅུའི་འཇིག་རྟེན་ཐམས་ཅད་ཀྱང་།། ཕྱོགས་གཅིག་དག་གིས་ཀུན་ལ་ཁྱབ། ཁྱབ་པ་གཅིག་པོའི་རྩད་ཆོད་ན།། བདེ་བར་གཤེགས་པའི་ཐུགས་ཀྱི་སྲས།། བདེ་གཤེགས་འཇིག་རྟེན
263b3 རིག་པའི་མཆོག། ཀུན་རྫོབ་སྣང་བ་བསམ་ཡས་ཀྱང་།། བསྡུས་པས་ངོ་བོ་གཅིག་ལས་མེད།། གཅིག་པོ་དོན་དམ་རང་བཞིན་ཡིན།། དོན་གྱི་དམ་པ་རྣམ་དག་དཔལ།། བསྐལ་པ་བཟང་པོའི་སངས་རྒྱས་ཐམས་ཅད
263b4 ཀྱང་།། བསྐལ་པ་གཅིག་གི་སངས་རྒྱས་གཅིག། འཇིག་རྟེན་གསུམ་ན་བསྐལ་བཟང་གཅིག། ཅེས་གསུངས་སོ།། དག་པ་རྩད་བཅད་པ་དང་འཁོར་བ་རྩད་བཅད་པ་དང་། མྱ་ངན་ལས་འདས་པ་རྩད་བཅད་པ་དང་།
263b5 མ་རིག་པ་དང་རིག་པ་རྩད་བཅད་འདི།། ཀུན་ཏུ་བཟང་པོའི་ཐུགས་ཀྱི་བཅུད།། རྡོ་རྗེ་བློ་གྲོས་ཁྱོད་ལ་གཏད།། སྐལ་མེད་རྣམས་ལ་སྲོག་ཆད་ཁ་བཞིན་སྡོམས།། ཞེས་བཀའ་བསྡིགས་ནས་གསུངས་སོ།། ལྷ་མ་ཡིན
263b6 གཡུལ་ངོ་བཟློག་པའི་རྒྱུད་ལས། སྒྲོ་འདོགས་རྩད་གཅོད་ངོ་སྤྲོད་ཀྱི་ལེའུ་སྟེ་ཉེར་གཅིག་པའོ།། །། དེ་ནས་ཡང་དག་བཤད་བྱ་བ།། རྡོ་རྗེ་ཆོས་ཀྱི་བློ་གྲོས་ཉོན།། རྒྱུད་དྲུག་གྲོང་ཁྱེར་གཞོམ་པ་དང་། ཁམས
iiif viewer powered by OpenSeadragon
