| e-texts navigator |
| Wylie |
263a1 བ་སྒྲིབ་པའི་ཡེ་ཤེས་དང་།། རང་ལ་ཤར་བའི་ཡེ་ཤེས་གཉིས།། འདྲ་འདྲ་འདྲ་སྟེ་ཤིན་ཏུ་དཀའ།། ཞེས་གསུངས་སོ།། ལྷ་མ་ཡིན་གཡུལ་ངོ་བཟློག་པའི་རྒྱུད་ལས། ཐེག་དམན་གྱི་གང་ཟག་ལ་བསྟན
263a2 ཀྱང་མི་གྲོལ་བར་བསྟན་པ་དང་ཡེ་ཤེས་ཀྱི་དབྱེ་བའི་ལེའུ་སྟེ་ཉི་ཤུ་པའོ།། །། དེ་ནས་ཡང་དག་བཤད་བྱ་བ།། རྡོ་རྗེ་ཆོས་ཀྱི་བློ་གྲོས་ཉོན།། ཐེག་པའི་མཐའ་ལ་ཐུག་པ་མེད།། ངོ་ལ་བྱེད་པ་བ་གླང་མགོ་བོ
263a3 ཅན།། ཆོས་ཀྱི་དབྱིངས་ལ་ཟད་པ་མེད།། ཐེག་པའི་མཐའ་ལ་ཐུག་པ་དང་།། ཉོན་མོངས་མཐའ་ལ་ཐུག་པ་དག། སུས་ཀྱང་མཚོན་པར་མི་ནུས་སོ།། དེ་ལ་དེ་བསྟན་ཐམས་ཅད་མཁྱེན་པ་ཐོབ།། མཁྱེན་པ་མ་འགགས
263a4 མི་མཁྱེན་པར་ཡང་ཤར།། ཐམས་ཅད་ཁོངས་སུ་མི་མཁྱེན་པ་ཡང་ཆུད།། ཐམས་ཅད་ཕྱོགས་སུ་མ་ལྷུང་ཐམས་ཅད་རྒྱ་མ་ཆད།། ཐམས་ཅད་མཁྱེན་པ་ཞེས་ནི་དེ་ལ་བྱ།། རྡོ་རྗེ་ཆོས་ཀྱི་བློ་གྲོས་ཉོན།། ཐེག་པ་གསུམ
263a5 གྱི་ངེས་འབྱུང་ལ།། ཐེག་པ་གཅིག་གིས་ཁྱབ་པའོ།། ཐེག་པ་གཅིག་པའི་རྩད་ཆོད་ན།། ཆོས་རྣམས་སྤྱི་དང་རང་གི་མཚན་ཉིད་ཀྱི།། སྒྲོ་འདོགས་དུས་གཅིག་ཆོད་པ་ཡིན།། རྒྱུ་དྲུག་སེམས་ཅན་རྒྱུ་གཅིག་གིས།། ཐམས
263a6 ཅད་དག་པ་ཁྱབ་པ་ཡིན།། རྒྱུད་དྲུག་གཅིག་གི་རྩ་ཆོད་ན།། འགྲོ་དྲུག་ཉོན་མོངས་དག་པ་ཅན།། ཉོན་མོངས་ཁྱམས་རྣམས་དག་པ་ཡིན།། འཁོར་བ་བསམ་གྱིས་མི་ཁྱབ་པ། ཁམས་གསུམ་འཁོར་བར་འདུས་པ་ཡིན།།
iiif viewer powered by OpenSeadragon
