| e-texts navigator |
| Wylie |
262b1 ཡིན།། འདི་ལྟ་བུ་ཡི་གདམས་པ་འདི།། རིན་ཆེན་ལྟ་བུའི་གང་ཟག་ལ།། འདི་ནི་བསྟན་པའི་སྣོད་དུ་རུང་།། ག་པུར་ལྟ་བུའི་གང་ཟག་ལ།། འདི་ནི་བསྟན་པར་བྱ་བ་ཡིན།། ཡེ་ཤེས་ཡེ་ཤེས་ཁྱད་པར་ཆེ།། ཐུན
262b2 མོང་ཐེག་པའི་གྲུབ་མཐའ་ཡི།། ཐེག་པ་རེ་ལ་ཡེ་ཤེས་རེ།། ཡེ་ཤེས་བློ་ལས་འདས་པ་ལ།། བསྒོམས་ནས་སྐྱེའོ་ཞེས་ཟེར་བ།། སྐྱེ་བ་འགོག་ཕྱིར་ཡེ་ཤེས་རྫུན།། ཡེ་དང་ཤེས་པ་དབྱེ་བ་གཅེས།། ངོ་བོ་ཉིད་ཀྱི་ཡེ་ཤེས
262b3 དང་།། ཆོས་མཐུན་བསྒྲུབ་པའི་ཡེ་ཤེས་གཉིས།། འདྲ་འདྲ་འདྲ་སྟེ་བརྟགས་པར་དཀའ།། དཀའ་བའི་ཕྱིར་ན་སླ་བ་ཡིན།། སླ་བའི་ཕྱིར་ན་དཀའ་བ་ཡིན།། མེ་ལོང་ལྟ་བུའི་ཡེ་ཤེས་དང་།། ཡེ་ཤེས་ཁོང་གསལ་ཆེན་པོ
262b4 གཉིས།། འདྲ་འདྲ་འདྲ་སྟེ་བརྟག་པར་དཀའ།། དེ་ལྟར་ཆོས་མཐུན་ཡེ་ཤེས་དང་།། ཆོས་མིན་ཡེ་ཤེས་ཟང་ཐལ་གཉིས།། འདྲ་འདྲ་འདྲ་སྟེ་བརྟགས་པར་དཀའ།། ཡེ་ཤེས་རང་བྱུང་བསྒྲུབ་པ་དང་།། ཉམས་ལ་བསྟེན
262b5 པའི་ཡེ་ཤེས་གཉིས།། འདྲ་འདྲ་འདྲ་སྟེ་བརྟགས་པར་དཀའ།། ཡེ་ཤེས་དབྱིངས་ནས་སྨྲ་བ་དང་།། རང་གྲོལ་ཡེ་ཤེས་སྨྲ་བ་གཉིས།། འདྲ་འདྲ་འདྲ་སྟེ་བརྟགས་པར་དཀའ།། ཐུན་མོང་ཡེ་ཤེས་རྣམ་ལྔ་དང་།། རང་སྣང
262b6 ཡེ་ཤེས་རྣམ་པ་ལྔ།། འདྲ་འདྲ་འདྲ་སྟེ་བརྟག་པར་དཀའ།། བསྒྲུབས་ནས་ཐོབ་འདོད་ཡེ་ཤེས་དང་།། རང་ལས་བྱུང་བའི་ཡེ་ཤེས་གཉིས།། འདྲ་འདྲ་འདྲ་སྟེ་བརྟགས་པར་དཀའ།། མེ་ལོང་ཕྱི་ནང་བཟློག་པ་འདྲ།། འདྲ
iiif viewer powered by OpenSeadragon
