| e-texts navigator |
| Wylie |
261b1 བར་བྱེད།། རབ་ཏུ་གཅེས་པའི་ཕྱག་རྒྱ་དང་།། ནོར་དང་འབྲུ་དང་བུ་ལ་སོགས།། དེ་ཡི་དུས་སུ་སྦྱིན་པར་བྱ།། དབང་རྣམས་མ་ཐོབ་སློབ་མ་དེ།། མཚོ་ལ་ཆར་བབས་འདྲ་བས་གཏིང་གོ་མེད།། དཔལ་རྩལ་ལུས་ལ
261b2 ཡོད་ཀྱང་མཚོན་ཆ་བདུད་དུ་བྱུང་།། རྩ་རླུང་ཐིག་ལེ་རང་ཆས་ཡོད་པ་ལ།། རྩ་རྒྱུས་ཞགས་པས་བཅིངས་ཏེ་ཐར་དུས་མེད།། རླུང་གིས་བསྐྱོད་སྟེ་དེ་ནས་སྡུག་བསྔལ་སྣོན།། ཐིག་ལེ་ཉམས་སུ་མྱོང་ཞིང་མྱོང་ན
261b3 སྨོན།། ཡེ་ཤེས་ཁོང་ཤར་མ་ཤེས་གཟུང་འཛིན་ཟ་རྒོད་ལས། ཁ་གསགས་སྤྱི་བརྟོལ་གཞོག་ངོམ་མཁན། ཁ་ཞུ་གཏིང་འཁྲུགས་གངས་ཀྱི་ཆུ།། དེ་དང་འདྲ་བའི་ཡ་མ་བརླ། རུལ་བ་སྐྲོད་པ་ཁོང་དུ་འདྲེ་ཞུགས་གྲོང
261b4 ཁ་ཐམས་ཅད་རྒྱུ།། གཞོགས་སློང་ཁ་གསགས་གཙམ་བུ་ཅན།། དེ་ལ་བསྟན་ན་སངས་རྒྱས་རྩ་བ་འཆད།། དེ་བས་དོན་འདི་གསང་བར་བྱ།། ཤེས་བྱའི་སྒྲིབ་པ་ངོ་སྤྲད་པས།། ཆོས་སྐུ་ཡུལ་མེད་དེ་ལ་ཤར།། ལས་ཀྱི
261b5 སྒྲིབ་པ་ངོ་སྤྲད་པས།། རང་སྣང་ལོངས་སྐུ་དེ་ལ་ཤར།། ཉོན་མོངས་རྣམ་སྨིན་སྒྲིབ་པ་ངོ་སྤྲད་པས།། སྦྲུལ་སྐུ་རང་བྱུང་དེ་ལ་ཤར།། རང་ཤར་སྐུ་གསུམ་དེ་ལ་ཤར།། ངོ་བོའི་སྒྲིབ་པ་ངོ་སྤྲད་པས།། ཐིག་ལེ་ཆོས་མིན
261b6 སྒྲིབ་པ་སད།། ཅེས་གསུངས་སོ།། ལྷ་མ་ཡིན་གཡུལ་ཟློག་གི་རྒྱུད་ལས། སྒྲིབ་པ་རེ་ལ་ངོ་སྤྱོད་རེ་བསྟན་པའི་ལེའུ་སྟེ་བཅུ་དགུ་པའོ།། །། དེ་ནས་ཡང་དག་བཤད་བྱ་བ།། ཉོན་ཅིག་རྡོ་རྗེ་ཆོས་ཀྱི་བློ་གྲོས
iiif viewer powered by OpenSeadragon
