| e-texts navigator |
| Wylie |
260a1 རྫོགས།། ཞེས་གསུངས་སོ།། རྫོགས་པ་ཆེན་པོ་རང་བྱུང་ལ།། ཐམས་ཅད་རྫོགས་པར་ཤེས་པ་ཡིན།། སྤྱད་དུ་མི་འདོད་ལམ་ཆེན་ཡིན།། ཐམས་ཅད་རང་སར་གྲོལ་བ་ཡིས།། ཐོབ་ཏུ་མེད་པའི་འབྲས
260a2 བུ་རྫོགས།། ཐམས་ཅད་གཞི་ལས་གྲུབ་པ་ཡིས།། ཡེ་ནས་མ་བཙལ་ལྷུན་གྱིས་གྲུབ།། ལྟ་ཐབས་གཅིག་གིས་ཀུན་མཐོང་བས།། མཚན་མ་རང་སར་གྲོལ་བར་འགྱུར།། ལྷ་ཐབས་གཅིག་གིས་གོལ་སྒྲིབ་ཆོད།། ཐེག
260a3 པའི་གོལ་སྒྲིབ་རང་སར་གྲོལ།། ལྷ་ཐབས་གཅིག་གིས་ཐམས་ཅད་གྲོལ།། མ་རིག་རྩད་གཅོད་འགྲོ་དྲུག་རང་སར་གྲོལ།། ལྷ་ཐབས་གཅིག་གིས་ཟང་ཐལ་ཤར།། ཐིག་ལེ་ཉག་གཅིག་རང་ལ་ཤར།། གྲོལ་ནས་གྲོལ
260a4 བའི་ལམ་ཡང་སྟོན།། རང་གྲོལ་རང་བྱུང་རང་ལ་ཤར།། ཞེས་གསུངས་སོ།། ལྷ་མ་ཡིན་གཡུལ་ཟློག་གི་རྒྱུད་ལས། སྤྱོད་པ་དང་འབྲས་བུ་ལ་ཤན་དབྱེ་བ་དང་། དེས་འཆི་བདག་གི་བདུད་གཞོམ་པའི་ལེའུ་སྟེ་བཅུ
260a5 བདུན་པའོ།། །། དེ་ནས་ཡང་དག་བཤད་བྱ་བ།། རྡོ་རྗེ་ཆོས་ཀྱི་བློ་གྲོས་ཁྱོད།། སྒྲིབ་པས་མ་མཐོང་མ་ཤེས་པས།། དེ་ཡི་དྲས་ཐག་གཅད་པར་བྱ།། དེ་ཡང་གོང་འོག་ཁྱད་པར་ལས།། སྒྲིབ་པ་སྒྲ་མཐུན་དོན་ལས
260a6 འཕགས།། འོག་མ་ལས་སྒྲིབ་ཉོན་མོངས་སྒྲིབ།། རིམ་གྱིས་བསལ་ཅིང་གཉེན་པོས་སྤོང་།། དེ་ནི་འོག་མའི་སྒྲིབ་པ་སྦྱོང་ལུགས་ཡིན།། ཐིག་ལེའི་སྒྲིབ་པ་རང་སར་གྲོལ།། སྒྲིབ་པ་སྒྲིབ་པ་ཞེས་བྱ་བ།། མ་རིག་མ
iiif viewer powered by OpenSeadragon
