| e-texts navigator |
| Wylie |
25b1 འཆར་ཏེ། མཐོང་བའི་ཡུལ་རྣམ་པར་དག་ན། དམིགས་པ་ཅན་ཡེ་ཤེས་སུ་འཆར་བ་ཞེས་བྱའོ།། དེ་ཡང་སྐུའི་སྣང་བ་ཉིད་དུ་མར་མེད་ཅིང་དུ་མ་དང་བྲལ་བའོ།། ཞེས་ནོར་བུ་ཕྲ་བཀོད་ཆེན་པོའི་རྒྱུད་ལས། རང
25b2 བཞིན་ཀུན་སྣང་དུ་བསྟན་པའི་ལེའུ་སྟེ་དགུ་པའོ།། །། དེ་ནས་ཡང་འདུས་པའི་འཁོར་རྣམས་ཀྱིས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་རྡོ་རྗེ་འཆང་།། རང་སྣང་ཆེན་པོའི་ལྟ་སྟངས་རྣམས།། མོས་པའི
25b3 འཁོར་ལ་གསུང་དུ་གསོལ།། དེ་ནས་རྡོ་རྗེ་འཆང་ཆེན་དེས།། ཏིང་ངེ་འཛིན་ལས་ལངས་ནས་ནི།། ཉེ་བའི་འཁོར་ལ་བཀའ་སྩལ་པ།། ཀྱེ་མ་ཉོན་ཅིག་རང་བཞིན་ལྷ་མོ་རྣམས།། ཡང་དག་ངེས་པའི་ལུང་རྒྱལ
25b4 འདི།། ཀུན་གྱི་སྤྱོད་ཡུལ་མ་ཡིན་ཏེ།། གསང་སྔགས་བལྟ་བའི་གནས་ལུགས་ནི།། གཅིག་དང་དུ་མར་མེད་པ་ནི།། གསང་བའི་རིག་པ་རང་སྣང་ནི།། རང་རིག་རྒྱུན་གྱི་བལྟ་བའི་སྐུ།། ཐིག་ལེ་ཉག་གཅིག་བརྟགས
25b5 དཀའ་བས།། གསང་སྔགས་ཡེ་ཤེས་ཡོངས་སུ་རྫོགས།། ལྟ་བའི་སྣང་བ་ཅིག་ཆར་བས།། གསང་བའི་སྐུ་ལས་འོད་འབྱུང་བས།། འགྲོ་བའི་རིག་པའི་མིག་གསལ་བས།། དྲི་མ་མེད་པའི་དབྱིངས་རིག་ནི།། འདུ་འབྲལ
25b6 མེད་པའི་ངང་དུ་རྫོགས།། ཡོངས་རྫོགས་སྐུ་ནི་འོད་དུ་འབར།། ཆོས་ཀྱི་སྐུ་ཡི་སྣང་བ་ལས།། སྐུ་གསུམ་སྣང་བ་དུས་གཅིག་རྫོགས།། རང་གསལ་ཐབས་ཀྱི་ཡེ་ཤེས་སྐུ།། རང་རིག་ཅོག་བཞག་བལྟ་བ་ནི།། མ་ཡེངས
iiif viewer powered by OpenSeadragon
