| e-texts navigator |
| Wylie |
258b1 བུ་ཡི་བདུད།། སྐྱེ་ཞིང་འགོག་པ་འཆི་བདག་བདུད།། ཡུལ་མེད་མ་ཤེས་ངོ་བོའི་བདུད།། བདུད་ཀྱི་འཇིགས་པ་སེལ་བ་ལ།། བདུད་ཀྱི་ངོ་སྤྲོད་རོ་སྙོམས་གཅེས།། གནད་དང་ལོག་གནོན་གེགས་སེལ་གསུམ།། འདི
258b2 གསུམ་མི་ལྡན་བལྟ་བ་སྟོར།། བདུད་དྲུག་ཆོམས་པའི་སྐལ་མེད་པས།། འཁོར་བ་རང་གྲོལ་དུས་མ་མཆིས།། བླ་མའི་གདམས་པས་མ་བརྒྱན་ན།། སློབ་མ་དམ་ཚིག་མེད་པ་ལ།། འདི་ཡི་བཀའ་རྒྱུད་བསྟན་པ
258b3 ན།། དམ་ལ་མི་གནས་ཚུལ་འཆོས་ཟེར།། དེ་འདྲའི་བལྟ་བའི་གནས་ལུགས་དེ།། ཐོག་མ་རང་ནས་རྟོགས་སོ་ཟེར།། མ་རྟོགས་རྟོགས་ཟེར་ཚུལ་འཆོས་མཁན།། བསྟན་མ་ཐག་ཏུ་དམ་ཚིག་ཉམས།། དེ་ཤི་ནས་ནི་དེ
258b4 ཡི་ལྕེ།། དཔག་ཚད་བརྒྱ་ཙམ་ཡོད་པ་ལ།། ལྕགས་བསྲེགས་ཐོང་གིས་རྨོ་བར་འགྱུར།། དེས་ན་བསྟན་པར་མ་གསུངས་སོ།། ཞེས་གསུངས་སོ།། ལྷ་མ་ཡིན་གཡུལ་ཟློག་གི་རྒྱུད་ལས།། ཉོན་མོངས་པའི་བདུད་གཞོམ
258b5 པའི་ལེའུ་སྟེ་བཅོ་ལྔ་པའོ།། །། དེ་ནས་ཡང་དག་བཤད་བྱ་བ།། ཉོན་ཅིག་རྡོ་རྗེ་ཆོས་ཀྱི་བློ་གྲོས་ཁྱོད།། ཐམས་ཅད་དངོས་གཞི་གཉིས་སུ་འདུས།། ཕུང་པོའི་བདུད་ཀྱི་གཉིས་དང་།། དངོས་པོའི་ཕུང་པོ
258b6 བསྟན་པར་བྱ།། ཕྲ་རགས་དོན་གྱི་གཏིང་གསལ་ནས།། འཁྲུལ་གཞི་བ་དེད་ཤེས་པར་བྱ།། དང་པོ་ཕུང་པོའི་བ་དེད་བསྟན།། དེས་ན་ཕུང་པོའི་རྒྱུ་རྐྱེན་བསྟན།། ཐ་མ་ཕུང་པོ་རྣམ་ལྔ་བསྟན།། བར་གྱི་ཕུང་པོ་འོད་ལྔ
iiif viewer powered by OpenSeadragon
