| e-texts navigator |
| Wylie |
258a1 བྱས་ཕུང་པོའི་བདུད་ཡིན་ནོ།། ཕུང་པོ་འདུས་ནས་སྐྱེད་བྱེད་པ།། འཆི་བདག་བདུད་ཅེས་བྱ་བ་འབྱུང་།། ངོ་བོ་མ་རིག་རང་གིས་བསྐལ།། བསྐལ་པའི་བདུད་ཆེན་དེ་ཡིན་པས།། དེ་ལ་ངོ་སྤྲོད་བསྟན
258a2 པར་བྱའོ།། ཨེ་མ་ངོ་མཚར་འདི་ལྟ་བུ།། དམ་མེད་རྣམས་ལ་བྱིན་གྱུར་ན།། བུ་ག་དགུ་ནས་ཁྲག་ཟག་ནས།། ངན་འགྲོ་གསུམ་དུ་ལྟུང་བར་འགྱུར།། དམ་མེད་རྣམས་ལ་བྱིན་གྱུར་ན།། ཚེ་ལ་བར་གཅོད་བྱེད་པས
258a3 ན།། ཐར་པའི་ས་བོན་སྟོངས་པ་དང་།། བྱང་ཆུབ་མྱུ་གུ་བསྐམ་པར་འགྱུར།། དམ་ལ་མི་གནས་ཚུལ་འཆོས་ཆེ།། ང་རྒྱལ་དྲེགས་པ་ཁོང་དུ་བཅུག། སློབ་དཔོན་ལ་ཡང་མགོ་མཆོངས་བྱེད།། མཆེད་གྲོགས་རྣམས་ཀྱི་ཞེ
258a4 གཅོད་པ།། དེ་ལ་བསྟན་པར་མི་བྱའོ།། ཞེས་གསུངས་སོ།། ལྷ་མ་ཡིན་གཡུལ་ཟློག་གི་རྒྱུད་ལས། ལྷའི་བུའི་བདུད་གཞོམ་པའི་ལེའུ་སྟེ་བཅུ་བཞི་པའོ།། །། དེ་ནས་ཡང་དག་བཤད་བྱ་བ།། ཉོན་ཅིག་རྡོ་རྗེ
258a5 བློ་གྲོས་ཁྱོད།། ཉོན་མོངས་ཡུལ་ལས་སྐྱེ་བ་ཡིན།། དེ་ཡང་གཞི་དང་རྒྱུ་དང་རྐྱེན།། དེ་ཉིད་འདུས་བྱས་ཉོན་མོངས་དངོས་པོའི་བདུད།། འོད་ལྔ་ཡུལ་སྣང་དངོས་པོའི་བདུད།། ཕྲ་རགས་དོན་གྱི་གཏིང་བཙལ
258a6 ནས།། ཡང་འཁྲུལ་གཏན་ལ་དབབ་པར་བྱ།། ཉོན་མོངས་བལྟ་བས་འཇོམས་པར་བྱེད།། ལྟ་བ་ཉོན་མོངས་བདུད་དུ་བབས།། ཉམས་སུ་མྱོང་ན་ཕུང་པོའི་བདུད།། མ་མྱོང་མི་ཤེས་གཏི་མུག་བདུད།། ཕྱོགས་ལྟ་ལྷ་ཡི
iiif viewer powered by OpenSeadragon
