| e-texts navigator |
| Wylie |
257a1 ཆགས་སྡང་ཡུལ་སྣང་ངོ་།། སྙོམས་པ་གཉིས་མེད་ཟང་ཐལ་ལོ།། ཕྱི་ཡི་འབྱུང་བ་རོ་སྙོམས་པས།། སེམས་ཀྱི་ནད་ལས་གྲོལ་བར་བྱེད།། ནང་གི་ཕུང་པོ་རོ་སྙོམས་པས།། འཆི་བའི་ནད་ལས་གྲོལ་བར
257a2 བྱེད།། གསང་བའི་དུག་ལྔ་རོ་སྙོམས་པས།། རྣམ་རྟོག་ནད་ལས་གྲོལ་བར་བྱེད།། ཡང་གསང་འགྲུས་ཚད་རོ་སྙོམས་པས།། གདོན་གྱི་ནད་ལས་གྲོལ་བར་བྱེད།། ནད་ཀྱི་ངོ་བོ་སྡུག་བསྔལ་ཏེ།། ངེས་པའི་ཚིག་ནི་མ
257a3 ནོར་བའོ།། དབྱེ་བ་གོང་དུ་ཤེས་པར་བྱ།། འབྲས་བུ་ཁམས་གསུམ་འཁོར་བའོ།། ནུཏྤནྣ་ཏཱ་ཏ་ཧྲྀ་ད་ཡ། ཞེས་གསུངས་སོ།། ལྷ་མ་ཡིན་གཡུལ་བཟློག་གི་རྒྱུད་ལས།། ནད་དང་འཆི་བར་རོ་སྙོམས་པའི་ལེའུ་སྟེ་བཅུ
257a4 གསུམ་པའོ།། །། དེ་ནས་ཡང་དག་བཤད་བྱ་བ།། ཉོན་ཅིག་རྡོ་རྗེ་ཆོས་ཀྱི་བློ་གྲོས་ཁྱོད།། ཆོས་རྣམས་ཐམས་ཅད་དངོས་གཞི་གཉིས་སུ་འདུས།། འཁྲུལ་པའི་གཞི་དང་འཁྲུལ་པ་དངོས།། གཞི་ཡི་མཐུན་དཔེ
257a5 ག་བུར་འདྲ།། དངོས་པོ་རྣམ་པ་གསུམ་དུ་སྣང་།། དེ་ཡང་ནད་ཀྱི་རྒྱུ་རྐྱེན་གྱིས།། འབྲས་བུ་རྣམ་པ་གསུམ་དུ་སྨིན།། དེ་ལ་དཔེ་ཡི་ངོ་སྤྱོད་དོ།། དེ་ལ་རོ་སྙོམས་དགོས་པ་ཡིན།། བདུད་ཀྱི་རོ་སྙོམས་བསྟན་པར
257a6 བྱ།། དང་པོ་ལྷ་ཡི་བུ་ཡི་བདུད།། དེ་ཡང་གཞི་ས་ཀུན་གཞི་ཡིན།། བར་དུ་རྒྱུ་དང་རྐྱེན་དུ་བྱུང་།། འོད་ལ་ཆགས་པས་དངོས་སུ་བྱུང་།། དངོས་པོ་ལུས་སེམས་ཡུལ་གྱིས་བསླུས།། སླུ་བྱེད་རྩད་ནས་མཆོད་ན།། ལྷ་ཡི
iiif viewer powered by OpenSeadragon
