| e-texts navigator |
| Wylie |
256a1 འཇམ་དཔལ་དགོངས་པ་ཡིན།། འཁོར་བ་རང་གྲོལ་དྲི་མ་མེད།། འཕགས་པ་ཀུན་གྱི་ནང་ན་མཆོག། ཡེ་ནས་ཡིན་པས་ཤེས་ནས་གནས།། ཡེ་ཤེས་སེམས་དཔའ་ཞེས་སུ་བརྗོད།། མཚོན་པ་དཔེ་ཡི་རྡོ
256a2 རྗེ་ནི།། རྡོ་རྗེ་ཕ་ལམ་ལྟ་བུ་ནི།། ཐམས་ཅད་འཇོམས་ཤིང་འབིགས་པས་ན།། བཅོམ་ལྡན་ཕྱག་ན་རྡོ་རྗེ་ཡིན།། བལྟ་ཐབས་གཅིག་གིས་ཐམས་ཅད་མཐོང་།། ཟ་འོག་གུར་ཁྱིམ་ལྟ་བུ་ནི།། ཕྱག་ན་རྡོ་རྗེའི་དགོངས་པ
256a3 ཡིན།། རྡོ་རྗེ་ལྟ་བུར་མི་འགྱུར་བས།། འབྲས་བུའི་ཕྱག་ན་རྡོ་རྗེ་ཡིན།། འཕགས་པ་ཀུན་གྱི་ནང་ནས་མཆོག། གངས་ལ་ཉི་མ་ཤར་བ་ལྟར།། ཕྱག་སྟོང་སྤྱན་སྟོང་བསྐལ་པ་བཟང་པོའི་སངས་རྒྱས་ཏེ།། འཕགས་པའི
256a4 ནང་ནས་སྤྱན་རས་གཟིགས།། ཐུགས་རྗེས་འགྲོ་བ་མ་ལུས་འདུལ་མཛད་པ།། སྤྱན་རས་གཟིགས་ཀྱི་དགོངས་པ་ཡིན།། ཐམས་ཅད་རྣམ་དག་པདྨ་འདྲ།། འབྲས་བུའི་སྤྱན་རས་གཟིགས་དབང་ཡིན།། འཕགས་པ
256a5 རྣམས་ཀྱི་ནང་ནས་མཆོག། ཐམས་ཅད་ནམ་མཁའ་དངས་པ་ལྟར།། གཡོ་བ་མེད་པས་མི་གཡོ་བ།། ཡུལ་མེད་རང་གྲོལ་དགོངས་པ་ཡིན།། མི་གཡོ་བ་ཡི་དགོངས་པ་ཡིན།། འགྲོ་དྲུག་རང་གྲོལ་མ་བཅོས་པ།། མི
256a6 གཡོ་བ་ཡི་འབྲས་བུ་ཡིན།། འཕགས་པ་ཀུན་གྱི་ནང་ན་མཆོག། འཁོར་བ་རང་གྲོལ་འགྲོ་བའི་གནད་མེད་ན།། འཇམ་དཔལ་འབྲས་བུ་ཐོབ་པར་ག་ལ་འགྱུར།། རང་རིག་འགྱུར་བ་མེད་པའི་གནད་མེད་ན།། ཕྱག་ན
iiif viewer powered by OpenSeadragon
