| e-texts navigator |
| Wylie |
255b1 གཅོད་གདོན་གྱིས་འཆིང་བར་བྱེད།། ལྷ་རུ་བསྒྲུབས་པས་འདྲེ་རུ་ཤར།། དེ་ལ་ལྷ་མིན་གཡུལ་བཟློག་བསྟན།། ལྷར་ཡང་མི་འདུག་འདྲེར་མི་འདུག། ཐམས་ཅད་རང་ལས་འབྱུང་བར་འདུག། དེ་ལས་འབྱུང་པོ་ཀུན
255b2 འདུལ་བསྟན།། འདྲེ་ལ་བགེགས་རིགས་སྟོང་ཕྲག་བརྒྱད་ཅུ་བསྟན།། དེ་ལས་བསྡུས་པ་སྡེ་བརྒྱད་ཡིན།། དེ་བསྡུས་འདྲེ་ལྔ་དེ་ཡང་གཅིག། ཕུང་འདྲེ་གཅིག་ལ་རོ་སྙོམས་ན།། འདྲེ་ཡི་གཡུལ་ངོ་བཟློག་པར
255b3 འགྱུར།། ལྷ་ནི་ཏིལ་གྱི་གང་བུ་བཞིན།། རྡུལ་སྙེད་གྲངས་ལས་འདས་པའི་ལྷ།། དེ་ཡང་བསྡུས་པས་ཡབ་ཡུམ་བཅུ།། དེ་ཡང་བསྡུས་པས་རིགས་ལྔ་དང་།། དེ་ཡང་བསྡུས་པས་རིགས་གསུམ་ཡིན།། ཐམས་ཅད་གཅིག
255b4 ཏུ་འདུས་པ་ནི།། རྣམ་པར་སྣང་མཛད་ཀུན་ཏུ་ཞལ།། ལྷ་རྣམས་ཐམས་ཅད་རྩ་བའི་ལྷ།། ཐམས་ཅད་རིག་པས་ཀུན་རིག་རྣམ་སྣང་ཡིན།། ཐམས་ཅད་ཀུན་ལ་ཁྱབ་པས་རྣམ་སྣང་གང་ཆེན་མཚོ།། ལྷ་ཡི་རོ་སྙོམས
255b5 ཕྱོགས་མེད་ཐམས་ཅད་ལྷ་ཡིས་གང་།། གཅིག་པུ་རབ་ཏུ་འདུས་པའི་ལྷ་ཁང་ཡིན།། ཞེས་གསུངས་པ་དང་། སྤྱན་རས་གཟིགས་ཀྱིས་ཞུས་པ། བདག་ཅག་རྣམས་ལ་དགོངས་པ་ཡི།། སོ་སོར་འདུལ་བ་ཇི་ལྟ
255b6 བུ།། བདག་གི་ཕྲིན་ལས་ཇི་ལྟ་བུ།། ཞེས་ཞུས་པས། ཀུན་ཏུ་ཞལ་གྱིས་བཀའ་སྩལ་པ།། ངོ་བོ་གསེར་ལྟར་མི་འགྱུར་བས། འཕགས་པའི་ནང་ན་འཇམ་དཔལ་ཡིན།། འཁོར་བའི་ཟུག་རྔུ་རང་སར་གྲོལ།། འཕགས་པ
iiif viewer powered by OpenSeadragon
