| e-texts navigator |
| Wylie |
255a1 རྒྱུ་གཅིག་པོ།། འགྲོ་བ་ཀུན་ལ་རང་ཆགས་གནས།། སྣ་ཚོགས་སྣང་ཡང་ངོ་བོ་གཅིག། ཆོས་རྣམས་ཐམས་ཅད་ངོ་བོ་གཅིག། ཆོས་སུ་ཀུན་ཁྱབ་སྤྱོད་པའི་ཕྱིར།། ཉོན་མོངས་ཐམས་ཅད་ཇོ་བོ
255a2 གཅིག། རང་བྱུང་ཡེ་ཤེས་ཡིན་པའི་ཕྱིར།། ཕྱི་ནང་སྣོད་བཅུད་ངོ་བོ་གཅིག། ཐིག་ལེ་ཉག་གཅིག་རང་སྣང་ཕྱིར།། འབྱུང་བ་གཅིག་ལ་རོ་སྙོམས་ན།། འཁོར་བ་གཡང་སའི་གཡུལ་ངོ་བཟློག། ཕུང་ཁམས་གཅིག་ལ་རོ།
255a3 སྙོམས་ན།། འགྲོ་བ་རིགས་དྲུག་གཡུལ་ངོ་བཟློག། རང་སྣང་རང་བྱུང་རང་ཤར་གསུམ།། ངོ་བོ་གཅིག་ཏུ་རོ་སྙོམས་ན།། ཕྱི་ནང་སྣོད་བཅུད་གཡུལ་ངོ་བཟློག། དྷརྨ་དྷཱ་ཏུ་བོ་དྷི་སཏྭ་ཛྙཱ་ན་དྷཱ་ཏུ་བོ་དྷི་ཙིཏྟ་ཨ། མཱ་ལ་མཱ་ལ
255a4 མ་ཧཱ་མཱ་ལ། ཨ་ཀ་རི་ལ། ཀ་ཡ་ཏི་ལ་མ་ཧཱ་མུ་དྲ་མ་ཧཱ་ཡཱ་ན། ཨ་ནུཏྟ་ར་ཞེས་གསུངས་སོ།། ལྷ་མ་ཡིན་གཡུལ་ཟློག་གི་རྒྱུད་ལས། དུག་ལྔ་འབྱུང་བ་ཁ་སྦྱོར་གྱི་རོ་སྙོམས་པ་རྣམ་རྟོག་རོ་སྙོམས་ཀྱི་ལེའུ་སྟེ་བཅུ་གཅིག
255a5 པའོ།། །། དེ་ནས་ཡང་དག་བཤད་བྱ་བ།། ཉོན་ཅིག་རྡོ་རྗེ་བློ་གྲོས་ཁྱོད།། ཆོས་དབྱིངས་དམ་པ་ཡོན་ཏན་མཚོ།། སྤྱོད་པ་རོ་སྙོམས་བརྟན་པར་བྱ།། ཀུན་འཁོལ་ཀུན་འདུལ་ཀུན་སྤྱོད་པ།། དེ་ནི་རང་བྱུང་སྤྱོད
255a6 པའི་མཆོག། ལྷ་རུ་བསྟེན་པས་འདྲེ་རུ་བྱུང་།། འདྲེ་དེ་བདུད་དུ་བྱུང་བ་ན།། ལྷ་འདྲེའི་རོ་སྙོམས་བསྟན་པར་བྱ།། དང་པོ་གཞི་ས་བསྟན་པ་དང་།། བར་དུ་རྒྱུ་རྐྱེན་བསྟན་པ་དང་།། ཐ་མ་ལྷ་དེ་འདྲེ་རུ་བསྟན།། བར
iiif viewer powered by OpenSeadragon
