| e-texts navigator |
| Wylie |
254b1 ན།། ཤེས་རབ་ཐབས་ཀྱི་སྤྱོད་པ་ཡིན།། རང་གྲོལ་རང་བྱུང་གཞན་སྣང་མིན།། དེ་ཕྱིར་ཁྱད་པར་འདི་བསྟན་ནོ།། ལྷ་མ་ཡིན་གྱི་གཡུལ་བཟློག་ཕྱིར།། ཁ་སྦྱོར་སྤྱོད་པ་བསྟན་པར་བྱ།། དེ་ལ་འབྱུང་ལྔ་དུག་ལྔ་ཡི།། སྤྱོད
254b2 པའི་རོ་སྙོམས་གཡུལ་བཟློག་ནི།། དང་པོ་དུག་ལྔའི་གཞི་ས་བསྟན།། རྒྱ་རྩིས་ནང་ནས་ནོར་འདི་བསྡུ།། དེ་ནས་དུག་ལྔའི་རྒྱུ་རྐྱེན་བསྟན།། རྒྱུ་རུ་རང་བྱུང་རྐྱེན་ཉིད་རང་སྣང་ལ།། གཉིས་སུ་མེད་ལས་གཉིས་སུ
254b3 འཁྲུལ།། དུག་ལྔའི་རྩ་བ་ཆགས་སྡང་འབྱུང་བ་ལྔ།། དངོས་པོ་དུག་ལྔར་སྣང་བ་དང་།། དེ་ཡི་རང་སྣང་འབྱུང་བ་ལྔ།། དེ་རྣམས་ཉམས་སུ་མྱོང་བས་སུ།། སོ་སོ་རང་རེ་འཁྲུལ་པས་མ་སྙོམས་པས།། ཉོན་མོངས་བརྒྱད
254b4 ཁྲི་བཞི་སྟོང་སྨིན།། འཁོར་བའི་གཡུལ་དུ་ཞུགས་པ་ཡིན།། དེ་ལ་གཡུལ་བཟློག་རྒྱུད་འདི་བཤད།། འགྲོ་དྲུག་གཡང་ས་གཅོད་ཙམ་ན།། རྒྱུད་དྲུག་འདུས་པའི་ཕུང་པོ་ལ།། ཨེ་ཡི་ཆ་བྱད་བཟང་པོས་བརྒྱན།། འབྲས
254b5 བུ་འགྲོ་དྲུག་རང་ལ་ཤར།། ཨེ་མའོ།། གསང་བ་རྨད་དུ་བྱུང་བའི་དོན།། ཐམས་ཅད་རང་བྱུང་ངོ་སྤྲད་པས།། ཉོན་མོངས་གཡུལ་ངོ་བཟློག་པར་འགྱུར།། ཉོན་མོངས་བསྐྱེད་པའི་རྩ་བ་ནི།། རང་བྱུང་འདུས་པའི་ཕུང་པོ
254b6 ལ།། དུག་ལྔ་རོ་སྙོམས་མ་ཤེས་ན།། འཁོར་བའི་གཡུལ་ལས་གྲོལ་བར་དཀའ།། རང་སྣང་སྣ་ཚོགས་ངོ་བོ་གཅིག། གཅིག་ལ་རོ་སྙོམས་མ་ཤེས་ན།། ཐམས་ཅད་བསྙམས་པས་སྙོམས་པར་དཀའ།། འབྱུང་བ་ཆེན་པོ
iiif viewer powered by OpenSeadragon
